Job 17:1-16
17 Jobqa nirqataqmi: “Kallpallaymi tukuruchkanña, kawsakunay punchawkunam tukuruchkanña,pampakunay uchkupas suyawachkanñam.+
2 Asikuwaqniy runakunapas muyuriruwanmi,+asipayawaspanku tukuy ima ruwasqankutam ñuqaqa qawallachkani.
3 Diosnilláy, niykuwayá ñuqapa favorniypi imatapas ruwanaykimanta.
Manachayqa, ¿pimá ñuqapa yanapaqniyqa kanman*?+
4 Qanmi kay runakunapa yuyayninta tutayarachinki,+qamqa manam munankichu hatunchakunankutaqa.
5 Kanmi churinkunatapas yarqaymanta* kachispanhuk runakunataraq mikuykachiq runakuna.
6 Dios munaptinmi runakunapa asikunanña rikuriruni,+hinaptinmi runakunaqa uyaypiraq tuqawachkanku.+
7 Llumpay llakisqa kasqayraykum ñawiykunapas tutayarunña,+makiykunawan chakiykunapas llantuy hinallañam kachkan.
8 Chayna tarikullaptiymi allin ruwaq runakunaqa llakikuspa qawawanku,mana huchayuq runakunapas Diosta qipanchaq runakunaraykum piñakunku.
9 Allin ruwaq runaqa allin kaqtam ruwayta munan,+mana huchayuq runaqa aswan kallpasapañam kachkan.+
10 Llapallaykichikyá kayman hamuspa hinalla rimariychik,manamya qamkuna ukupi allin yachayniyuqtaqa hukllatapas tarinichu.+
11 Kawsakunay punchawkunam tukuchkanña,+ima ruway munasqaypas manam qispinchu.+
12 Qamkunaqa tutatapas punchawchachkankichikmi.
Nichkankichikmi: “Tutayay kasqanraykum achikyamunanña”, nispa.
13 Ñuqaqa wañusqakunapa kasqanman* riyllatañam suyachkani,+ñuqaqa camaytapas tutayaypim mastakusaq.+
14 Pampakunay uchkutam+ nisaq: ‘Qamqa taytaymi kanki’, nispa.
Urukunatañataqmi nisaq: ‘Qamkunaqa mamaywan paniykunam kankichik’, nispa.
15 Kunanqa, ¡imapiraq rikukullani!+
¡Piraq chaymanta hurquykullawanman!
16 Allin kaqta suyasqaypas wañusqakunapa kasqanmanmi rinqa*,chaynam kanqa allpaman llapallanchik kutiykuptinchik”, nispa.+
Willakuykuna
^ Utaq: “¿Pimá makinta haywariwanman garantizawananpaq?”.
^ Utaq: “Yarqaymanta manaña rikukuypas atiqta”.
^ Hebreo rimaypiqa nichkan: “Seolman”, nispam. Qaway kay palabrapa ima ninan kasqanta.
^ Hebreo rimaypiqa nichkan: “Trankayuq seolmanmi uraykunqa”, nispam.
