Job 18:1-21
18 Sua lawmanta Bildadmi+ kaqmanta nirqa:
2 “¿Haykapikamataq hinalla rimankichik*?
Allintaraqyá tantiariychik, hinaptinñayá rimasun.
3 ¿Imanasqataq animalkunata hina qawawankiku?+
¿Mana yuyayniyuq runachu kaniku?
4 ¿Qam piñakuptikichu kay pacha chunnirunqa?
¿Qam piñakuptikichu hatun rumikunapasmaymi kasqanmanta suchurunqa?
5 Mana allin ruwaqpaqa achkinpas wañurunqam,ninanpas manam linwanqachu.+
6 Yachasqan* carpapi achkinpas wañurunqam,chaypi kaq mecheronpas wañurunqam.
7 Qarillaña purichkaspanpas hukmanyarunqam,kikinpa tantiasqankunallam wichiykachinqa.+
8 Purichkaspanmi tuqllaman wichiykunqa,muspaypi hina kaspanmi tuqllapi arwitakurunqa.
9 Chay tuqllaqa chakinmantam hapirunqa,chay tuqllaqa allintam tiqurunqa.+
10 Chay tuqllaqa paypaqmi pampapi mana rikuylla kachkan,chay tuqllaqa maymi purinanpim churasqa kachkan.
11 Payqa manchakuyllawanñam maypipas kachkan,+chaymantaqa manam lluptiyta atinchu.
12 Manaña kallpayuqmi kachkan,chaymi sasachakuykuna kaptinpas tampi-tampiña purinqa.+
13 Aycha qarantapas wañuchikuq manchakuypaq unquymi tukuchkan,chakintawan makintapas tukuchkanmi.
14 Carpanpi hawka kasqanmanta hurquspamchakiwan mana munachkaqta pasachinku manchakuypaq wañuyman.+
15 Mana riqsisqan runakunañam carpanpi yachanqa,azufrellañam carpanpiqa chaqchusqa kanqa.+
16 Chakisqa sapiyuq sacha hinam kanqa,chakisqa llaqiyuq* sacha hinam kanqa.
17 Pasaypaqtam kay pachamanta chinkanqa,sutintapas manañam pipas yuyanqachu.
18 Achkipi kasqanmantam tutayayman apasqa kanqa,kay pachamantam qarqusqa kanqa.
19 Llaqtanpiqa manam mirayninpas kanqachu,maymi yachasqan lawpiqa manam pipas kawsanqachu.
20 Chay runaman tukuy chaykuna chayamuptinmi intipa qispimunan lawmantahinaspa intipa siqaykunan lawmanta runakuna llumpayta mancharikunqaku.
21 Chaynam kanqa mana allin ruwaq runapa carpanqa,chaynam kanqa Diosta mana riqsiq runapa allpanqa”, nispa.
