Job 20:1-29
20 Naamat lawmanta Zofarñataqmi+ nirqa:
2 “Tukuy imata rimasqaykiraykum hukmanyasqa kaspay upallalla kaytaqa mana atinichu,chayraykum kutipakuyki.
3 Niwasqaykikunam sunquyta nanarachin.
Yachayniyuq kaspaymi kutipakuyki.
4 Yachasqaykiman hinaqakay pachapi runa rikurisqanmantapacham+
5 mana allin runapa kusikuyninqa tukuruqlla,Diosta qipanchaq runapa kusikuyninqa chinkaruqllam.+
6 Riqsisqa kaynin hanaq pachakama chayaruptinpashinaspa puyukunapa kasqankama uman chayaruptinpas,
7 hatun ispaynin hinam wiñaypaq chinkarunqa.
Riqsiqninkunapas ninqakum: ‘¿Maypitaq kachkan?’, nispa.
8 Sueñoy hinallam chinkarunqa, manam pipas tarinqachu.
Tutapi musqukuyta* hinallam manaña rikunqakuchu.
9 Rikuqninkunapas manañam qawanqakuchu,llaqtamasinkunapas manañam rikunqakuchu.+
10 Suwakuspan huñukusqanta kutichipuptinmichurinkunaqa wakchakunamantaña mañakunqaku.+
11 Musu kayninpi hinaraq tullunkuna allin kachkaspanpaswañuruptinqa allpayarunqam.
12 Paypaqqa mana allinkuna ruwaymi siminpi miski hina,payqa qallun ukupim churarayachin unayta miskinanpaq,
13 simillanpi kachispanmikusisqallaña miskichikun,
14 chayna kaptinpas millpuruptinqa wiksanman chayaruspanmi qatqiyarun,chayqa culebrapa venenon hinam ukunpi rikurirun.
15 Quri-qullqi millpurusqantapas aqturunqam,Diospunim wiksanmanta aqturachinqa.
16 Manchakuypaq culebra kachuruptinmi wañurunqa,venenonwanmi chaylla wañurunqa.
17 Manañam haykapipas kallpaq yakutaqa rikunqachu,manañam ima mieltapas nitaq llukllutapas mallinqachu.
18 Ima kapuqninkunatapas manaraq tukuchkaspanmi kutichimunqa,manam quri-qullqi huñusqanwanpas kusikunqachu.+
19 Wakchakunatam ñakarichispan saqirurqa,hukpa wasintam hapikuykurqa.
20 Manam hawka kawsakuytaqa tarinqachu,kapuqninkunapas manam yanapanqachu.
21 Paypaqqa manam imapas kanqañachu,allin kawsakuyninpas tukurunqam.
22 Tukuy imayuq kaspanpas llakisqallañam kanqa,tukuy ima sasachakuykunam payman chayamunqa.
23 Kusisqallaña kawsakuspa mikuchkaptinmiDiospa piñakuynin payman chayaramunqa,hanaq pachamanta paramuchkaq hinam sasachakuykuna payman chayaramunqa.
24 Fierromanta ruwasqa peleanapaq kaqkunamanta lluptiptinpasbroncemanta flecham hapirunqa.
25 Wasanmanta flechata hurqukuspanpas,llipityaq flechata kichpanninmanta* hurqukuspanpasmanchakuywanmi kanqa.+
26 Quri-qullqinpas tukurunqam,mismiq ninallam ruparunqa.
Carpanpi qipaqkunaqa ñakariyllapiñam kanqaku.
27 Cielokunam huchayuq kasqanta qawachinqa,allpa pacham contranpi hatarinqa.
28 Wasintam lluqlla apanqa,manchakuypaq lluqllam Diospa piñakuynin punchawpi chayamunqa.
29 Chaynatam mana allin runataqa Dios ruwanqa,chaytam mana allin runaqa Diosmanta chaskinqa”, nispa.
