Job 27:1-23
27 Jobqa hinalla rimaspanmi nirqa:
2 “Diosqa juzgawaspanmi mana yanapawanchu,+ payqa ñakariyllapiña kanaypaqmi saqiruwan.+
Chiqaptapuni Dios kawsasqanraykum, chiqaptapuni tukuy atiyniyuq Dios kawsasqanraykum
3 samayniyraq kaptinqahinaspa Diospa yanapakuyninwanraq kawsachkaspayqa+
4 allin kaqkunallata rimarisaq,manam llullakunataqa rimasaqchu.
5 ¡Manam haykapipas nisaqchu qamkunapa imapas nisqaykichik chiqap kasqantaqa!
¡Wañukunaykamam ñuqaqa Diosman sunqu kallasaq!+
6 Allin ruwaq kasqaymantaqa manam iskayrayanichu,+wañukunay punchawkamam sunquypipas hawkalla tarikusaq.
7 Chiqniwaqniyqa mana allin ruwaq runa hinayá chinkachun,mana allinniyta munaqqa mana allin runa hinayá chinkachun.
8 Diosta qipanchaq runa wañuchisqa kaspanqa,¿ima allintataq chaskinman?+
9 ¿Yaqachu Diosqa uyariykunmansasachakuypi kaspa qayakuptin?+
10 ¿Yaqachu tukuy atiyniyuq Diosrayku kusisqa kawsakunqa?
¿Yaqachu payqa Diospa yanapakuyninta sapa kuti maskanman?
11 Ñuqam yachachisqaykichik atiyninwan Diospa tukuy ima ruwasqanta,manam tukuy atiyniyuq Diosmantaqa imatapas pakasqaykichikchu.
12 Diospa yanapayninwan musquynikichikpi hina imakunatapas rikuchkaspaykichikqa,¿imanasqataq yanqakunataqa rimachkankichik?
13 Tukuy atiyniyuq Diosqa mana allin runapaqmi sasachakuykunatahinaspa tukuy rikchaq ñakariykunata churanqa.+
14 Achkallaña churinkunapas wañuchisqam kanqaku,+mirayninkunapas mikuymantam usunqaku.
15 Paykunamanta puchuqkunatapas unquymi tukurunqa,sapanku qipaq viudankupas paykunamantaqa manam waqanqachu.
16 Allpata hinaña qullqita huñuruptinpas,mituta hinaña allin pachata huñuruptinpas,
17 allin ruwaq runamchaykunawanqa pachakunqa,+mana huchayuq runam qullqintapas aypukunqa.
18 Wasi ruwasqanpas puyu urupa wasin hinallamhinaspa cuidaq runapa chuklla ruwakusqan hinallam.+
19 ‘Apum kani’ nispa puñuykuspanpasrikchariruspanqa mana imayuqmi kanqa.
20 Manchakuypaq lluqlla qunqaymanta hamuchkanmanpas hinam qunqaymanta sasachakuykunapi kanqa,tutanpas wayra-parallañam apanqa.+
21 Intipa qispimunan lawmanta wayrammaymi kasqanmanta aparuspan chinkarachinqa.+
22 Ayqikuyta munaspanpasnisyu-nisyu wayra kasqanraykum mana atinqachu.+
23 Chay manchakuypaq wayram taqllakuspahinaspa sukaspa asipayanqa*”, nispa.+
Willakuykuna
^ Ichapas kanman: “Rikuqnin runakunam asipayanqa taqllakuspa hinaspa sukaspa”, niqpas.
