Job 3:1-26
3 Chaymantam Jobqa rimapakuspan ñakarqa nacesqan punchawta.+
2 Hinaspam nirqa:
3 “Amapas nacesqay punchawqa chayamunmanchu karqa,+imapaqraq nacesqay tuta nirqaku: ‘¡Qari wawam kasqa!’, nispanku.
4 Chay punchaw tutayarunman karqa.
Chay punchawtaqa Diospas qunqarunman karqa.
Imapaqraq achkipas karqa.
5 Chay punchawtaqa tutayay* pampaykunman karqa.
Yanay-yanay puyupas pampaykunman karqa.
Chay punchawtaqa imapas tutayachiq kaqkuna mancharachinman karqa.
6 Chay tutata yanay-yanay tutayay tapaykunman karqa,+watapa chay punchawninpiqa amayá pipas kusikuchunchu,chay punchawtaqa amayá pipas ima killapipas yupachunchu.
7 Chay tutaqa ama pipas wiksayakunmanchu karqa,ama pipas kusikuymanta qaparinmanchu karqa.
8 Chay punchawqa ñakasqa kanman karqa,cocodrilota*+ rikchachiqkunawan ñakasqa kanman karqa.
9 Achikyaq lucerokunapas tutayarunman karqa,punchawpas ama chayamunmanchu karqa,intipas ama qispimunmanchu karqa.
10 Chay tutaqa nacenayta mana harkakusqanraykuyá+ ñakasqa kachun,kay ñakariykunamanta mana pakaykuwasqanraykuyá ñakasqa kachun.
11 ¿Imanasqataq mamaypa wiksallanpiraq mana wañukurqanichu?
¿Imanasqataq nacechkaspay mana wañukurqanichu?+
12 ¿Imapaqraq mamayqa millqayninpipas chaskiykuwarqa?
¿Imapaqraq payqa ñuñuwarqa?
13 Wañukuspayqa hawkach samakuchkayman karqa,+wañukuspayqa hawkach puñukuchkayman karqa.+
14 Kamachiqkunawan hinaspa yanapaqninkunawan kuskach samakuchkayman karqa,paykunaqa kunan chunnisqallaña kaq raqaykunatam hatarichirqaku.
15 Wasi hunta qullqiyuq hinaspa quriyuq kamachiqpayanapaqninkunawan kuskachá samakuchkayman karqa.
16 ¿Imanasqataq wiksallapiraq kallachkaspay mana wañururqanichu?
¿Imanasqataq wiksallapiraq wañuruq wawakuna hina mana wañururqanichu?
17 Wañuruspaqa mana allin ruwaqkunapas hawkam kanku.
Chaypiqa pisipasqakunapas samakunkum.+
18 Wañuruspaqa presokunapas hawkañam kachkanku,manañam pipas llamkanankupaqqa hikutanchu.
19 Wañuruspaqa hatunpas uchuypas chaynallam kanku,+patronninpaq llamkaq runapas manañam llamkanchu.
20 ¿Imanasqataq Diosqa ñakariqllaña runata hinalla kawsachichkan?
¿Imanasqataq llakisqallaña runakunata hinalla kawsachichkan?+
21 ¿Imanasqataq wañuy munaqkunamanqa wañuypas mana chayamunchu?+
Wañuy munaqkunaqa pakata hina maskaspankupas manam tarinkuchu.
22 Tariruspankuqa maynatach kusikunmanku,paykunaqa wañuruspankuqa kusikunmankuch.
23 ¿Imanasqataq Diosqa kawsachin maymanpas mana riy yachaq runataqa?
¿Imanasqataq Diosqa kawsachin qinchawan hina muyurichisqa runataqa?+
24 Ñuqapa mikuyniyqa llakillañam,+qaparispa waqasqaypas kallpaq yaku hinam manaña tukuriq.+
25 Aswan manchakusqayraqmi chayaramuwan,aswan manchakusqay hatun llakiraqmi qatiruwan.
26 Manañam hawkayaytapas nitaq samariytapas tarillaniñachu.
Ñakariyllapiñam ñuqallayqa kallachkani”, nispa.
