Job 30:1-31
30 Jobqa nirqataqmi: “Kunanqaqipa wiñaykunaraqmi asikuwan,+ñuqaqa manam munaymanchu karqataytankupas animalniykunata michiq allqukunawan kuska kanantaqa.
2 ¿Imapitaq paykunaqa yanapawanmanku?
Mana kallpayuqñataq kachkankupas.
3 Paykunaqa wakchayaruspam yarqaymanta kachkanku,chunniq chaki allpakunapimimapas tarisqankuta mikunku.
4 Chaprakunapa chawpinpi wiñaq puchqu quratam pallanku,retamapa sapinkunatam mikunku.
5 Paykunaqa llaqtamanta qarqusqam kanku,+suwata hinam paykunataqa tukuyta ninku.
6 Paykunaqa wayqukunapim yachanku*,machaykunapi hinaspa qaqakunapim yachanku.
7 Monte ukukunamantam qaparimunku,itanakunapa chawpinpim huñunakunku.
8 Mana riqsisqa hinaspa mana yuyayniyuq runapa churinkuna hinamllaqtamanta qarqusqa kanku.
9 Kunanqa takispankupas ñuqamantam asikuwanku,+kunanqa paykunapa asipayananñam rikuriruni.+
10 Chiqniwaspankum manaña asuykamuwankupaschu,+mana pinqakuspam uyaykunapiraq tuqapawanku.+
11 Dios ñakarichiwasqanta qawawachkaspankupastukuytaraqmi niwachkanku.
12 Asipayakuq runakuna hinam alliqniypi* hatarinku,kallpaylla* lluqsichiwaspankumñanniypi imakunatapas urmanaypaq churanku.
13 Purinay ñankunata wichqaruspankumaswanraq ñakarichiwanku,+chay ruwanankutaqa manam pipas harkakunchu*.
14 Pirqapa uchkunta yaykumuchkaq hinampaykunaqa ñuqaman hamuchkanku.
15 Manchakuywanmi hukmanyasqallaña kani,manañam pipas ñuqataqa qawariwanchu,salvacionta suyasqaypas puyu hinam chinkarun.
16 Wañuy patanpiñam tarikullachkani,+ñakariyllapiñam ñuqaqa kallachkani.+
17 Tutankunapas nanaymi tulluykama chayan,+chay nanayqa manam imataña ruwaptiypas samanchu.+
18 Ñakariypi kaspaymi mana riqsipaña kachkani,pachaypa kunkan tiquwachkanmanpas hinam kallachkani.
19 Diosmi mituman wischuykuwan,kunanqa allpa hinañam hinaspa uchpa hinañam kallachkani.
20 Dioslláy, qapariyllawanñam qayakamullayki yanapaykuwanaykipaq,ichaqa manam uyariwankichu.+ Sayariptiypas qamqa qawayllam-qawawanki.
21 Mana llakipayawaspaykim qipancharuwanki,+tukuy kallpaykiwanmi ñakarichiwachkanki.
22 Wayrawan apawanaykipaq huqariruwaspammanchakuypaq wayra-parapi kayman-chayman chamqawanki*.
23 Yachanim wañuyman apawanaykitaqa,yachanim llapallanpa chayanan wasiman apawanaykitaqa.
24 Ichaqa manam pipas saqisqa runataqa wañuchinmanchu,+yanapaykunankuta mañakuptinpas manam pipas yanapanmanchu.
25 ¿Manachu ñuqaqa ñakariypi kaqkunata qawaspay waqallaq kani?
¿Manachu ñuqaqa wakchakunata qawaspaypas llakikurqani?+
26 Allin kawsakuyta munaptiypas mana allinkunallañam chayaramuwan,achkipi kayta munaptiypas tutayayllañam pampaykuwan.
27 Sunqullaypas llumpay llakisqam tarikun,ñuqaqa llumpay ñakariyllapiñam tarikuni.
28 Kayman-chaymanmi llakisqallaña purini,+ manañam intipas kanchamunñachu.
Huñunakuypipas yanapaykuwanankupaqmi sayariykuspay qayakullani.
29 Atuqkunapa wawqinñam rikurirullani,avestruzpa chiwchinkunapapas puriqmasinñam rikurirullani.+
30 Aycha qaraypas yanayaruspanmi wichirichkan,+tulluykunapas llumpaytam ruparichkan.
31 Arpaypas llakillatañam waqachkan,quenaypas* llakillatañam waqachkan”, nispa.
Willakuykuna
^ Utaq: “Tiyanku”.
^ Utaq: “Pañaypi”.
^ Utaq: “Raskiylla”.
^ Ichapas kanman: “Paykunataqa manam pipas yanapanchu”, niqpas.
^ Ichapas kanman: “Wayrawan huqariruwaspam chiqirinaykama pampaman chamqawanki”, niqpas.
^ Utaq: “Antaraypas”.
