Job 33:1-33
33 Eliuqa nirqataqmi: “Chaynaqa Job,tukuy ima rimasqaytayá allinta uyariykullaway.
2 Sumaqtayá uyariykullaway,ñam rimariytaña munachkani.
3 Sunqumantam ñuqaqa rimarisaq,+imapas yachasqaykunataqa imam kaqtam rimarisaq.
4 Diosmi atiyninwan ñuqataqa unanchaykuwarqa,+tukuy atiyniyuq Diosmi kawsakuytaqa quykuwarqa.+
5 Atispaykiqa tapuptiyyá rimarimuy,ñawpaqniypi sayaykuspayá imam tantiasqaykikunata niway.
6 Diospaqqa qampas ñuqapas chaynallam kanchik,ñuqapas qam hinam mitumanta ruwasqalla kani.+
7 Chaynaqa manam manchakuwanaykichunitaq imapas nisqaykunawanqa hukmanyanaykichu.
8 Qamqa uyarichkaptiymiachka kutikama nirqanki:
9 ‘Ñuqaqa chuyam kani, manam haykapipas pantarqanichu,+manam ima mana allintapas ruwarqanichu, nitaqmi imapipas huchallikurqanichu.+
10 Diosmi ichaqa yanqamanta tumpawan,chiqnisqan runata hinam qawawan.+
11 Chakiykunatam uchkusqa tablawan hapirachin,ima ruwasqaykunatapas qawanmi’, nispa.+
12 Chay nisqaykikunam ichaqa mana chaynachu, chaymi niki:
Runamanta aswan yachayniyuqmi Diosqa.+
13 ¿Imaynanpitaq paymantaqa mana allinta rimachkanki?+
¿Rimarisqaykikunamanta imatapas mana nisuptikichu?+
14 Diosqa achka kutikamam runata rimapayan,runam ichaqa mana kaqpaqpas hapinchu.
15 Diosqa runatam tuta puñuykuptinsueñoyninpi rimapayan,+payqa musquypi hina* rikuriykuspanpas rimapayanmi.
16 Payqa runapa rinrinta kichachkanmanpas hinam+yachachikuyninkunata yuyayninman churan,
17 chaytaqa ruwan mana allinkunamanta runata harkananpaqmi,+hinaspapas mana hatuntukuq kananpaqmi.+
18 Diosqa runatam wañunanmanta* harkan,+payqa runatam imawanpas* wañuchisqa kananmanta harkan.
19 Diosqa runatam yachachin nanaywan camapi kanan kaptinpas,chaytam ruwan runapa tullunkuna mana samaykuspa nananan kaptinpas.
20 Chaynapim runaqa mikuytapas millakun,maynaña miski mikuytapas wischupakunmi.+
21 Hinaptinmi tullunwan-qarallanña kachkan,tullunkunapas yuparinallañam kachkan.
22 Payqa pampakunan uchkupa hichpallanpiñam kachkan,payqa wañuy patanpiñam kachkan.
23 Sichu 1.000 angelkunamantahukllapas kanmanimam allin kasqanmanta willaqnin hinaptinqa*,
24 chay runaraykuch Diosqa ninman:
‘¡Wañuymantayá* harkaykuy!+
¡Mana wañunanpaqmi libraqninta tariruniña!+
25 Aychanyá musu kasqanpi hinaraq kachun,+kallpanpas musu kasqanpi hinaraqyá kachun’, nispa.+
26 Pitukuykuspa Diosta qayakuptinmi uyariykunqa,+Diosta qawaykuspanmi kusikuymanta qaparinqa.
Hinaptinmi Diosqa kaqmanta allin ruwaqpaq chaskiykunqa.
27 Chay runam hukkunaman ninqa:
‘Huchallikururanim,+ mana allinkunatam ruwarqani.
Chaywanpas manam huchayman hinachu ñakarirqani*.
28 Diosmi wañuymanta harkaykuwan,+chaymi kunanqa hinalla kawsakusaq’, nispa.
29 Tukuy chaykunatam Diosqa runapaq ruwan,iskay-kimsa kutikamam chaynata ruwan.
30 Chaynapi mana wañunanpaqhinaspa hinalla kawsakunanpaq.+
31 ¡Job! ¡Hinallayá uyariykullaway!
¡Nisqaykunatayá upallalla uyariykullaway!
32 Imapas rimarinayki kaptinqa uyariykusqaykim,rimasqaykikuna allin kasqantam riqsichiyta munani.
33 Rimarinaykipaq imapas mana kaptinqa ñuqatayá uyariykuway,upallallayá uyariykuway yachaywan rimapayanaypaq”, nispa.
Willakuykuna
^ Utaq: “Revelacionpi”.
^ Utaq: “Pampakunan uchkumanta”.
^ Utaq: “Espadawan”.
^ Hebreo rimaypiqa nichkan: “Sichu paypaq willakuq kaptinqa, 1.000 willakuqkunamanta hukllapas allinninpaq rimaq kaptinqa”, nispam.
^ Utaq: “Pampakunan uchkumantayá”.
^ Ichapas kanman: “Ruwasqaykunaqa manam imapipas yanapawarqachu”, niqpas.
