Job 35:1-16
35 Eliuqa nirqataqmi:
2 “¿Allintachu nichkanki‘Diosmantapas aswan allin ruwaqmi kani’ nispayki?+
3 Qanmi ninki: ‘¿Imataq qamtaqa* qukusunki?
¿Allin kaqta ruwaspaychu aswan allin kachkani huchallikuspa imayna kanaymantaqa?’, nispayki.+
4 Ñuqaqa riqsinakusqayki runakunatawanqamtam nisqayki.+
5 Cielopi puyukunatayá qawariy,+puyukunaqa qanmanta karupim kachkan.
6 Huchallikuspaqa, ¿Diostachu ñakarichichkanki?+
Mana allinkunata ruwaspaqa, ¿paytachu llakichichkanki?+
7 Allin ruwaq kaspaykiqa, ¿imatataq payman quwaq?
¿Imatataq payqa qanmanta chaskin?+
8 Mana allin ruwasqaykiqa qam hina runallatam llakichin,allin ruwasqaykipas qam hina runallatam kusichin.
9 Ñakariypi tarikuspam runakunaqa yanapaykunankupaq qaparispa mañakunku,atiyniyuq runakuna ñakarichiptinmi yanapaykunankupaq qayakunku.+
10 Ichaqa manam pipas ninchu: ‘¿Maypitaq kachkan unanchawaqniy Diosqa?+
¿Maypitaq kachkan runakunata tutankuna takichiqqa?’, nispaqa.+
11 Payqa kay pachapi animalkunamantapas astawanraqmi yachachiwanchik,+payqa alton pawaqkunamantapas aswan yachayniyuqtam ruwawanchik.
12 Runakuna qapariyllawanña yanapakuyta mañakuptinkupaspayqa manam uyarinchu+ hatuntukuq kasqankurayku.+
13 Diosqa manam uyarinchu hawa sunqulla mañakusqankutaqa,+tukuy atiyniyuq Diosqa manam uyarinmanchu yanqalla qayakusqankutaqa.
14 ¡Aswanraqchiki mana uyarinqachu Diosta mana rikusqaykimanta piñapakuptikiqa!+
Paypa makinpiña sasachakuyniki kasqanraykuyá hawkalla suyaykuy.+
15 Diosqa manam imapas ruwasqaykikunamantachu piñakusuchkanki,payqa manam pantasqaykikunata qawamuspanchu piñakusuchkanki.+
16 Jobpa rimasqankunaqa yanqallam,mana yachaywanmi imakunatapas riman”, nispa.+
Willakuykuna
^ Ichapas kaypiqa Diosta nichkan.
