Job 4:1-21
4 Teman llaqtayuq Elifazmi+ Jobta uyariykuspan nirqa:
2 “Pipas rimapayaykusuptikiqa, ¿chayllachu piñakuruwaq?
Manam pipas upallallaqa kanmanchu.
3 Qamqa achkaqtam rimapayaykuq kanki,hukmanyasqakunatam kallpanchaykuq kanki.
4 Pantaruptinqa pitapas rimapayaykuqmi kanki,mana kallpayuqtapas yanapaykuqmi kanki.
5 Kunanñataqmi sasachakuypi kasqaykiraykumana kallpayuq hinaspa hukmanyasqa kachkanki.
6 Diosta yupaychaq kachkaspaykiqa, ¿imanasqataq paypiqa mana hapipakunkichu?
Diosman sunqu kachkaspaykiqa,+ ¿imanasqataq iskayrayanki?
7 Kunan yuyaymanariy, ¿yaqachu mana huchayuq runa chaylla wañururqa?
¿Yaqachu haykapipas chinkachisqa karqa allin ruwaq runa?
8 Qawasqayman hinaqa pipas mana allintahinaspa chiqnikuyta tarpuqqa chaynallatam cosechan.
9 Dios pukuykuptillanmi wañunku,paykunaqa nisyu wayrallawanmi chinkanku.
10 Leonqa qaparinmi, malta leonpas ñawrawyanmi.
Ichaqa chayna manchakuypaq kallpasapa kaptinkupas kirunmi pakikuspa tukun.
11 Leonqa mikuyta mana tarispanmi wañun,mikuy mana kaptinmi uñankunapas chiqirun.
12 Mana pipapas yachasqallantam huk willakuyta uyarirurqani,chaytaqa rinrillaypim uyarirurqani.
13 Runakuna miskillataña puñuchkaptinkummanchakuypaqta musqukururqani,
14 chaymi manchakuymantatulluypas katkatatarqa.
15 Wayra hina llantuy* ñawpaqniyta pasaruptinmichukchaypas sayarirurqa.
16 Chaymantam chay llantuy hina kaqqa sayarurqa,ichaqa manam allintachu rikurqani ima kasqantaqa.
Chay llantuy hina ñawpaqniypi sayaruptinmikayna rimayta uyarirqani:
17 ‘¿Yaqachu runaqa Diosmantapas aswan allin ruwaq kanman?
¿Yaqachu runaqa unanchaqninmantapas aswan chuya* kanman?’, niqta.
18 Diosqa yupaychaqninkunamantapas iskayrayanmi,payqa angelninkunapipas* pantasqankutam tarin.
19 ¡Astawanraqchá allpa wasipi yachaqkunamantaqa*hinaspa ñutu allpapa+ hawanpi cimientasqa wasiyuqkunamantaqa!
Paykunataqa puyu uruta hinallañam chaylla sarurunman.
20 Achikyaqmanta tutaykuqkamallam qalaypaqta chinkarachin,pasaypaqta chinkarachiptinmi mana pipas yuyanchu.
21 ¿Manachu paykunaqa kanku carpata hapiq waskata chutaruptinku muntukuruq carpa hinalla?
Manaraq yachayniyuq kachkaspankum wañunku”, nispa.
Willakuykuna
^ Utaq: “Espiritu”, “demonio”.
^ Qaway kay palabrapa ima ninan kasqanta.
^ Utaq: “Willakuqninkunapipas”.
^ Utaq: “Tiyaqkunamantaqa”.
