Job 40:1-24
40 Jehova Diosqa Jobtam hinalla nirqa:
2 “¿Yaqachu kutipakuq runaqa ñuqa tukuy atiyniyuq Dioswan atipanakunman?+
Pantasqaymanta pipas niwayta munaspanqa rimarichunyá”, nispa.+
3 Hinaptinmi Jobqa Jehova Diosta nirqa:
4 “Ñuqaqa manam imapaschu kani,+¿imatataq qamtaqa nillaykiman?
Ima niytapas manaña atispaymi simillaytapas makiywan tapakuni.+
5 Achka kutitañam rimaruni,kunanqa manañam imatapas rimariymanchu”, nispa.
6 Jehova Diosñataqmi manchakuypaq wayra ukumanta rimamuspan Jobta nirqa:+
7 “Wiqawnikita qari hina sumaqta watakuspayá uyariykullaway.
Kunanmi tapuptiy rimarinayki.+
8 ¿Allin ruwaq kasqay yanqapaq kasqantachu ninki?
¿Allintukuspaykichu allin ruwaq kasqayta mana allinpaq hapinki?+
9 ¿Yaqachu qamqa ñuqa hina ancha atiyniyuq kanki?+
¿Yaqachu rimasqaykikuna ñuqapa rimasqay hina tunrururunman?+
10 Chayna kaptinqa ama hina kaspayá atiyniyuq hinaspa kallpayuq kasqaykita riqsichikuy,ancha riqsisqa hinaspa hatunchana kasqaykitayá riqsichikuy.
11 Riqsichikuytaqyá llumpay piñakuq kasqaykitapas,hatuntukuqkunatayá pinqayman churay.
12 Llapallan hatuntukuqkunatayá pinqayman churay,mana allin ruwaqkunatapas maymi kasqanpiyá saruparuy.
13 Llapankutayá allpawan pamparuy,paykunataqa llapankutayá tutayaypi wichqaruy*.
14 Chaykuna ruwayta atiptikiqa ñuqapas riqsikuymanmisasachakuymanta kikillayki librakuy atisqaykita.
15 Yuyaymanay hipopotamo* sutiyuq animalpi, payqa toro hinam pastota mikun.
Ñuqam paytaqa unancharqani, ñuqataqmi qamtapas unancharqayki.
16 Qawariyá wasanpi kallpan kasqanta,qawariyá wiksa qaranpi kallpan kasqanta.
17 Chupantapas cedro sachata hinam sayachin,chakinkunapi ankunkunapas suma-sumaq simpasqam kachkan.
18 Tullunkunapas broncemanta ruwasqa hinam kachkan,atakankunapas fierromanta ruwasqa hinam kachkan.
19 Paytaqa chayna animalkunamantapas puntatam unancharqani,paytaqa unanchaqnillanmi wañuchinman.
20 Urqukunapim pastokuna wiñan mikunanpaq,chaypiqa purun animalkunapas kallpakachanmi.
21 Payqa loto sutiyuq sachapa sikinpim waqtapan,suquskunapa kasqan pukyu yakupim pakakun.
22 Loto sutiyuq sachapa sikinpim llantukun,alamo sachakunapa kasqanpim llantukun.
23 Maynaña putka mayutapas payqa manam manchakunchu.
Jordan mayu+ achkayaruspa siminmanña haypaptinpas manam manchakunchu.
24 ¿Pitaq qawakuchkaptin hapirunman?
¿Pitaq chuñunta uchkurunman?”, nispa.
Willakuykuna
^ Hebreo rimaypiqa nichkan: “Mana pipa rikunan lawpiyá uyankuta wataruy”, nispam.
^ Utaq: “Behemot”.
