Joel 1:1-20
1 Petuelpa churin Joel* willakunanpaq Jehova Diospa rimapayasqanmi kay:
2 “Punta apaqkuna, kaytayá allinta uyariychik,runakuna llapallaykichikyá sumaqta uyariychik.
¿Yaqachu tiempoykichikpi utaqñawpaq abueloykichikpa tiemponpi kaykuna pasakurqa?+
3 Churikichikmanyá willaychik,churikichikñataqyá churinkuman willachunku,paykunapa churinkupas mirayninkumanyá willachunku.
4 Puyu hinaña manchakuypaq aqarway urukunapa puchusqantam raprayuq aqarwaykuna mikururqa,+raprayuq aqarwaykunapa puchusqantañataqmi uña aqarwaykuna mikururqa,uña aqarwaykunapa puchusqantañataqmi yarqayllaña aqarwaykuna tukururqa.+
5 ¡Llapa sinkakuna,+ rikcharispayá waqaychik!
Vino tomaqkuna, miski-miski vino tomasqaykichikta qichurususqaykichikraykuyállapallaykichik qaparkachaychik.+
6 Mana yupay atina achkallay-achka aqarway urukunam allpayman chayaramun.+
Kirunpas leonpa kirunkuna hinam,+ kakichunpas leonpa kakichun hinam.
7 Uvas plantaykunatam tukurun, higos plantaykunatapas tullullantañam saqirun.
Chaprallantañam saqirun, hinaspapas huklawmanraqmi wischurun,kallmankunatapas yuraqllatañam rikurirachin.
8 Warma-yanan manaña kaptin qachqa pachawan pachakuchkaqsipas hinayá qaparkachaychik.
9 Ñuqa Jehova Diospaqqa manañam qunkuchu kawsaymanta kaqkunatapas+ nitaq ñuqapaq tallinanku vinotapas.+
Sacerdotekunawan* ñuqa Jehova Diosta yupaychawaqniykunapas llumpay llakisqam kachkanku.
10 Chakrakunam purmarun, allpakunapas llumpay llakisqa hinam kachkan.+
Chaynaqa kachkan trigota* qalaypaq tukurusqanraykum, vino chakirusqanraykum hinaspa aceitepas tukurusqanraykum.+
11 Trigotawan cebadata tukurusqanraykum chakrapi llamkaqkunaqa muspaypi hinaña kachkanku,uvas plantaqkunapas llumpay llakisqam kachkanku.
Llapa tarpuykunam mana qispinchu.
12 Uvas plantam chakirun,higos plantapas chakirunmi.
Chakiruntaqmi granada plantapas,palmera sachapas, manzana plantapas chaynataq purunpi lliw sachakunapas.+
Runakunapa kusisqa kayninkum pinqaymanña tikrakurun.
13 Sacerdotekuna, qachqa pachawan churakuspayá llakikuymanta qaparkachaychik.
Altarpi* yanapakuqkuna, qamkunapas qaparkachaychikyá.+
Yupaychawaqniykuna*, hamuspayá qachqa pachawan churakuspa tukuy tuta kaychik.
Ñuqapa carpaymanqa manañam apamunkuchu kawsaymanta kaqkunatapas+ nitaq ñuqapaq tallinanku vinotapas.+
14 Llakipi kasqaykichikraykuyá ayunanaykichikpaq runakunata huñuychik,+ hinaspapas mana qunqanapaq hinayá hatun huñunakuyta ruwaychik.
Ñuqa Jehova Diospa carpaymanyá punta apaqkunatawan lliw runakunata huñumuychik,+hinaspayá yanapaykunaypaq ñuqa Jehova Diosta qayakamuwaychik.
15 ¡Mayna manchakuypaqraq chay punchawqa kanqa!
Ñuqa Jehova Diospa piñakuyniy punchawqa chayaykamuchkanñam,+chay punchawqa tukuy atiyniyuqpa piñakuynin punchawmi kanqa.
16 ¿Manachu qawachkaptikichik mikunaykichikta apakurqaku?
¿Manachu carpaymanta kusikuyta chinkarachinku?
17 Mugukunapas* palakunapa kasqan ukupim paqwayta chakirun.
Kawsay churana wasikunapipas manañam imapas kanchu.
Kawsaykuna chakiruptinmi churananku wasikunatapas taqmarunku.
18 ¡Animalkunapas qaparkachachkankum!
¡Mikunankupaq pastota mana tarispam vacakunapas kayman-chayman purichkanku!
Ovejakunapas yarqaymantam ñakarichkanku”, nispa.
19 Joelñataqmi nirqa: “Sumaqllaña pastoyuq chunniq urqukunata nina ruparusqanraykumchaynataq purunpi sachakunatapas nina ruparusqanraykumqamllata Jehova Diosnilláy mañakamusqayki.+
20 Yaku chakirusqanraykumhinaspa chunniq urqukunapi pastota nina ruparusqanraykumpurun animalkunapas maskasunki”, nispa.
Willakuykuna
^ “Joel” ninanqa: “Diosqa Jehova Diosmi”, ninanmi.
^ Qaway kay palabrapa ima ninan kasqanta.
^ Utaq: “Cebadata”.
^ Qaway kay palabrapa ima ninan kasqanta.
^ Hebreo rimaypiqa nichkan: “Diosniyta yupaychaqkuna”, nispam.
^ Ichapas kaypiqa rimachkan higospa chakisqa rurunkunamanta.
