Jonas 2:1-10
2 Chaymi Jonasqa hatun challwapa wiksan ukumanta Jehova Diosta mañakuspan+
2 nirqa:
“Jehova Dioslláy, llakipi tarikuspay qayakamuptiymi uyariykullawarqanki.+
Wañuy patanpi kaspaymi qayakamullarqayki,+hinaptinmi uyariykullawarqanki.
3 Ukullay-uku lamar quchaman wischuykuwaptikimyaku pampaykuwarqa.+
Yakupa hatu-hatun huqarikusqanpas ñuqallaytam pamparullawarqa.+
4 Chaymi piensarqani: ‘Qayllaykimantam qarquruwanki.
Hinaptinqa, ¿imaynatamá chuya wasikita kaqmanta qawayman?’, nispay.
5 Lamar quchapi yakum pamparuwaspan yaqalla wañurachiwarqa,+uku-ukupim pampaykuwarqa.
Lamar quchapi kaq yuyukunam umayta arwiruwarqa.
6 Urqukunapa uku pampankamaraqmi chinkaykurqani.
Allpapas wiñaypaqmi yaqalla wichqaruwarqa.
Ichaqa wañuruchkaptiyñam* kawsariykachiwarqanki Jehova Dioslláy.+
7 Wañuy patanpi kachkaspayñam Jehova Dioslláy yuyarirqayki.+
Chaymi qamqa mañakusqayta chuya wasikimanta uyariykamuwarqanki.+
8 Mana valeq taytacha-mamachakunata yupaychaqkunaqa kuyakuq* kaptikipas qipancharusunkim.
9 Ñuqam ichaqa, agradecekuspay animalta qampaq kañapusqayki.
Nisqayman hinam imatapas ruwasaq.+
Jehova Dioslláy, qamllam kanki salvaykuwaqniyqa”, nispa.+
10 Hinaptinmi Jehova Diosqa hatun challwata kamachirqa Jonasta lamar quchapa patanman aqturunanpaq.
Willakuykuna
^ Hebreo rimaypiqa nichkan: “Uchkumantam”, nispam.
^ Kaypiqa rimachkan imaña kaptinpas hinalla kuyakuq kasqanmantam.
