Jonas 3:1-10
3 Jehova Diosmi kaqmanta rimapayaspan Jonasta nirqa:+
2 “Ninive+ hatun llaqtaman rispaykiyá ñuqapa nisqayta willakamuy”, nispa.
3 Chaymi Jonasqa Jehova Diospa nisqanta kasukuspan+ Ninive+ llaqtaman rirqa. Ninive llaqtaqa hatu-hatunmi karqa, canton-canton puriyqa kimsa punchawmi karqa.
4 Chay llaqtaman chayaruspanmi Jonasqa huk punchaw puriyta rirqa kaynata willakustin: “¡40 punchawllamantañam Ninive llaqtaqa chinkachisqa kanqa!”, nispa.
5 Hinaptinmi Ninive llaqtapi kaq runakunaqa Diospi iñikuyta qallaykurqaku,+ hinaspam imatapas mana mikunankupaq* kamachisqa karqaku. Chaymi hatunpas uchuypas qachqa pachawan churakurqaku.
6 Ninive llaqtata kamachiqpas chayta uyariruspanmi kamachinan tiyananmanta hatariykuspan pachanta hurqukururqa, hinaspam qachqa pachawan churakuspan uchpapi tiyarqa.
7 Chaymantam Ninive llaqtapi runakunaman kaynata willachirqa:
“Kamachiqpa hinaspa yanapaqninkunapa* kamachisqanman hinam runakunaqa mana imatapas mikunankuchu, manataqmi vacakunapas, ovejakunapas nitaq ima animalkunapas imallatapas mikunankuchu. Arí, manam mikunankuchu nitaq yakutapas tomanankuchu.
8 Qachqa pachawan churakuychik hinaspa animalkunamanpas churachiychik hinaspa sunqumanta Diosta qayakuspaykichik mana allin ruwasqaykichikmanta wanakuychik, maqanakuq kasqaykichiktapas saqiychik.
9 ¡Icharaqpas Diosqa llakipayariykuwanchikman, chaynapi llumpay piñakuyninpi mana wañurunanchikpaq!”, nispa.
10 Wanakuspa tukuy ima ruwasqankuta qawaspanmi Diosqa manaña nisqanman hinañachu ruwarqa,+ aswanqa llakipayariykuspanmi manaña wañuchirqachu.+
Willakuykuna
^ Utaq: “Ayunanankupaq”.
^ Paykunaqa ancha riqsisqa hinaspa qullqisapa runakunam karqaku.
