Josuey 16:1-10
16 Sorteaptinku Joseypa+ mirayninkunaman tupasqan allpaqa+ qallarirqa Jerico lawpi Jordan mayumantam. Chaymantam Jerico llaqtapa intipa qispimunan lawpi pukyukama karqa, hinaspam chunniqninta chayarqa Betel lawpi urqukunakama.+
2 Luz llaqtapa hichpanpi kaq Betelmanta qallarispanñataqmi Atarot lawpi Arki runakunapa allpanman tupaqkama chayarqa.
3 Chaymantam intipa siqaykunan lawmanta Jaflet runakunapa allpankuman tupaqkama chayarqa, chaymantam uraypi kaq Bet-horon lawninta+ hinaspa Guezer lawninta+ lamar quchakama chayarqa.
4 Chaynatamá Joseypa miraynin+ Manaseswan Efrain aylluqa tupaqninku allpata chaskirqaku.+
5 Kaynam karqa Efrain ayllupa haykam kasqankuman hina tupaqnin allpankuqa: Intipa qispimunan lawmanmi karqa Atarot-addar lawmanta+ hanaypi kaq Bet-horon llaqtakama.+
6 Chaymantam allpankuqa chayarqa lamar quchakama. Norte lawninpim karqa Micmetat,+ chaymantam muyurqa intipa qispimunan Taanat-silo lawman, hinaspam Janoa llaqtapa inti qispimunan lawninta rirqa.
7 Janoa lawmantañataqmi Atarot hinaspa Naara lawkama karqa. Chaymantam Jerico+ lawninta Jordan mayukama chayarqa.
8 Tapua llaqta+ lawmantañataqmi intipa siqaykunan law Cana sutiyuq wayqunta lamar quchakama chayarqa.+ Chaynam karqa Efrain ayllupa haykam kasqankuman hina chaskisqanku allpankuqa.
9 Efrain aylluqa chaskirqataqmi Manases ayllupa allpan ukupi kaq llaqtakunatawan llaqtachankunatapas.+
10 Ichaqa Guezer llaqtapi yachaq* Canaan runakunataqa manam qarqurqakuchu.+ Paykunaqa hinallam Efrain ayllupa allpan ukupi kunankama yachachkanku.+ Paykunataqa Efrain ayllukunam llumpayta llamkachichkanku.+
Willakuykuna
^ Utaq: “Tiyaq”.
