Oseas 12:1-14
12 Diosqa nirqataqmi: “Efrain kasta runakunaqa wayrawan kawsaqmi kanku.
Intipa qispimunan lawmanta wayratam tukuy punchaw qatikachanku.
Llullakuyllaña hinaspa maqanakuyllañam aswan-aswan kachkan.
Asiria+ runakunawanmi imapaqpas rimanakunku*, Egipto+ runakunamanmi aceiteta apanku.
2 Ñuqa Jehova Diosqa Juda runakunawanmi quejapi kasaq,+mana allinkuna ruwasqankuraykum Jacobpa mirayninkunata juzgasaq,paykunamanqa imapas ruwasqankuman hinam kutichisaq.+
3 Mamanpa wiksanpi kachkaspanraqmi Jacobqa wawqinta talonninmanta hapirurqa.+
Payqa tukuy kallpanwanmi ñuqawan atipanakurqa.+
4 Payqa manam angelmantaqa kacharikurqachu bendecinankama.
Waqaspanmi mañakurqa allin kaqta ruwapunanpaq”, nispa.+
Diosqa Betelpim paytaqa tarirurqa, hinaspam ñuqanchikmanta chaypi rimapayarqa.+
5 Angelkunata kamachiq Jehova Diosllayku,+qamtaqa Jehova sutikiwanmi pipas yuyasunki.+
6 Diosqa nirqataqmi: “Chaynaqa ñuqa Diosnikichikmanyá kutirikamuychik,+amayá saqiychikchu imaña kaptinpas hinalla kuyakuq kaytaqa hinaspa allin ruwaq kaytaqa,+hinallayá ñuqapi hapipakuychik.
7 Negociante runakunapa balanzankuqa suwallañam,chay runakunaqa suwakuy munaqllañam kanku.+
8 Efrain kasta runakunaqa sapa kutim ninku: ‘Ñuqaqa apuyarunim,+tukuy imayuqmi kachkani.+
Imapas ruwasqaypiqa manam ima mana allintapas nitaq huchatapas ruwarqanichu’, nispa.
9 Chaywanpas ñuqaqa Egiptomanta hurqumusqaymantapacham Jehova Diosnikichik kani.+
Kunanqa kaqmantam carpakunapi yachankichik*huñunakunapaq sapaqchasqa hatun punchawpi* hina.
10 Ñuqamanta willakuqkunamanmi* imam ninayta willarqani,+achka kutitam musquyninkupi hina qawachirqani,achka rikchanachiykunatam yachachirqani qamkunaman willasunaykichikpaq.
11 Galaadpiqa tukuy rikchaq llullakuywan pantachinakuyllañam karqa.+
Guilgalpiñataqmi torokunata nakaspa taytachankupaq kañarqaku,+chakrakunapa sukanpi rumi muntusqa hinam altarninkupas kachkan.+
12 Jacobqa Siria*+ runakunapa allpanmanmi ayqikurqa,chaypim Israelqa+ warmiyuq kanankama llamkapakurqa,+chaypim payqa casarakunanrayku ovejakunata michipakurqa.+
13 Ñuqa Jehova Diosqa willakuqniywanmi Egiptomanta Israelpa mirayninkunata hurquchimurqani,+hinaspapas willakuqniywanmi imakunamantapas waqaycharqani.+
14 Efrain kasta runakunaqa ñuqapa contraypim mana allinkunata llumpayta ruwarunku,+runamasinku wañuchisqankumantaqa hinallam huchayuq kachkanku.
Ñuqa taytankuta pinqayman churawasqankumantam huchankuman hina kutichipusaq”, nispa.+
Willakuykuna
^ Utaq: “Fiestapi”.
^ Utaq: “Tiyankichik”.
^ Utaq: “Profetaykunamanmi”.
^ Utaq: “Aram”.
