Proverbios 20:1-30
20 Vinota llumpayta tomaq runaqa pinqaypaq kaqkunatam ruwan,+ puqusqa aqata tomaq runaqa muspaypi hinam imatapas ruwan,+sinka kaspan mana allinkunata ruwaq runaqa mana yuyayniyuqmi.+
2 Manchakuypaq kamachiqpa qayllanpi kayqa leonpa* qapariynin hinam manchakuypaq,+pipas kamachiqta piñachiqqa wañuytam tarinman.+
3 Piñanakuymanta asurikuq runaqa allin qawasqam,+ruqru uma runam ichaqa piñakuspan kutirin.+
4 Qilla runaqa para tiempopi mana tarpukusqanraykumcosecha tiempopi mana imayuq kaspan mañakustin purinqa*.+
5 Runapa sunqunpi ima kasqanqa* uku-ukupi yaku hinam,yachayniyuq runam ichaqa sumaqllata rimachispan yacharun.
6 Achkam ninku: “Imaña-haykaña kaptinpas kuyasqaykim”, nispa.
Ichaqa chiqaptapuni sunqumanta kuyakuq runaqa sasa tariymi.
7 Allin ruwaq runaqa manam huchallikunchu,+churinkunapas ancha kusisqam kanqaku.+
8 Ima sasachakuytapas allichananpaq tronopi kamachiq tiyaykuspanqa+qawaykuspallaraqmi yacharun imakuna mana allin kasqanta.+
9 Manam pipas ninmanchu: “Chuya sunquñam kani,+mana huchayuqñam kani”, nispaqa.+
10 Jehova Diosqa chiqninmisuwakuq balanzata chaynataq mana imam kaqta tupuq tupukunatapas*.+
11 Warmallapas imapas ruwasqanwanmi sutilla riqsichikunallin utaq mana allin kasqanta.+
12 Jehova Diosqa rinritam unancharqa uyarinapaq,ñawitañataqmi unancharqa qawakunapaq.+
13 Amayá puñuysikiqa kaychu, wakchayarunkim.+
Rikcharispaykiyá hatariy, hinaspaqa saksanaykikamam mikunki.+
14 Rantiqmi rantikuqninta* nin: “¡Kaynikiqa manam valenchu!”, nispa.
Pasakuspanñataqmi rantirusqanmanta alabakuspa willakachakun.+
15 Qurimantapas hinaspa lamar quchapi alaqa rumimantapas* aswan allinqayachaywan rimaymi.+
16 Mana riqsisqan runaman qullqita prestananpaq garantizaq+ runapataqa pachantayá hapichkay,huklaw llaqtayuq warmirayku* chayta ruwaptinqa chaylla kapuqnintapas hapichkayá.+
17 Runapaqqa suwakuspa tarisqan mikuymi miskillaña,siminpim ichaqa aqu hina*.+
18 Parlarispa* imatapas ruwayqa allinmi kanqa*,+chiqnisuqniki runakunawan peleaq rinaykipaqqa allinta tantianaykipaqmi yachayniyuqkuna yanapasunayki.+
19 Runamasinta yanqamanta tumpaq runaqa mana willanapaq kaqkunatam willakachakun.+
Amayá cuento qipi* runawanqa hukllawakuychu.
20 Tayta-maman ñakaq runapaqatutayay chayamuptinmi achkinpas wañuchisqa kanqa.+
21 Llumpa-llumpayta munapayaspan runapa imapas armasqanqa* yanqapaqmi,manam ima allintapas apamunqachu.+
22 Amayá niychu: “Ruwawasqanta hinam ruwasaq”, nispaqa.+
Jehova Diospiyá hapipakuy,+ payqa yanapaykusunkim.+
23 Jehova Diosqa chiqninmi mana chaynalla llasaq rumichakunata servichikuqtaqa*,chiqninmi suwakuq balanzakunatapas.
24 Jehova Diosmi runataqa yanapan imapas tantiasqanpi,+runaqa manam kikillanmantaqa imapas ruwaytaqa atinmanchu*.
25 Sumaqta mana tantiachkaspan Diospaq imatapas ruwananpaq prometekuq runaqa+sasachakuypim kanqa.+
26 Trillana carretawan trigota rakichkaq hinamyachayniyuq kamachiqqa mana allin ruwaqkunata rakispan* chinkachin.+
27 Jehova Diosqa runapa rimasqallanwanmisunqunpi imakuna pakarayasqanta achkiwan hina sumaqta yachan.
28 Imaña kaptinpas hinalla kuyakuq chaynataq imam kaqta willakuq kamachiqqa allinmi kanqa,+imaña kaptinpas hinalla kuyakuq kasqanraykum hinalla kamachinqa.+
29 Musukunapa sumaq kayninqa kallpanmi,+yuyaqkunapa sumaq kayninñatami suqu chukchan.+
30 Quyuy-quyuy kanankama hinaspa herida kanankama maqachikuq runaqa mana allin ruwaytam saqin*,+maqasqa runaqa sunqumantam wanakun.
Willakuykuna
^ Utaq: “Malta leonpa”.
^ Ichapas kanman: “Mañakustin purispanpas mana imatapas tarinqachu”, niqpas.
^ Utaq: “Ima niy munasqanqa”.
^ Utaq: “Mana chaynalla pesaq rumichakunata chaynataq mana chaynalla yaykuq tupukunatapas”.
^ Utaq: “Vendeqninta”.
^ Utaq: “Coralmantapas”.
^ Utaq: “Qarirayku”.
^ Utaq: “Ñutu rumichakuna hina”.
^ Utaq: “Tapurikuspa”.
^ Utaq: “Una-unaypaqmi kanqa”.
^ Utaq: “Nina qallu”.
^ Hebreo rimaypiqa nichkan: “Chaskisqanqa”, nispam.
^ Utaq: “Iskay rikchaq rumichakunataqa”.
^ Utaq: “Imayna kawsakunanpaq tantiakuytaqa atinmanchu”.
^ Utaq: “Suysuspan”.
^ Utaq: “Mana allin ruwasqanmantam mayllakuchkaq hina chuyanchakun”.
