Proverbios 3:1-35
-
Yachayniyuq kaspa Jehova Diospi hapipakuymanta (1-12)
-
“Kapuqnikikunamanta allinnin kaqta quspayá Jehova Diosta hatunchay” (9)
-
-
Yachayniyuq kaspa kusisqa kaymanta (13-18)
-
Yachayniyuq kaspa hawka kawsakunamanta (19-26)
-
Hukkunawan allinlla kawsakuymanta (27-35)
-
Pitapas yanapaykuyta atispaqa yanapaykunamanta (27)
-
3 Churilláy, amayá yachachikuyniykunataqa* qunqaychu.
Kamachikuyniykunataqa sunqumantayá kasukuy.
2 Hinaspaqa unay watam kawsakunki,hawkam unay watakuna kawsakunki.+
3 Amayá haykapipas saqiychu imaña kaptinpas kuyakuq kaytawan imam kaqta rimaytaqa,+collarta hinayá wallqakuruy,tablapi hinayá sunquykipi qillqaruy.+
4 Hinaspaqa Diospaqwan runakunapaqmi allin kanki,+paykunamanmi allin tantiaq kasqaykita riqsichikunki.
5 Jehova Diosllapiyá tukuy sunquykiwan hapipakuy,+amayá kikikipa yachayllaykipiqa hapipakuychu.+
6 Ima ruwasqaykipipas paypa ima nisqantayá yuyariy.+
Hinaptinqa paymi imayna kawsakuyta yachachisunki.+
7 Amayá yachayniyuq kasqaykipaqqa hapikuychu,+aswanqa Jehova Diosta kasukuspayá mana allinmanta karunchakuy.
8 Chaykunata ruwaspaqa hampisqa hinaraqmi tarikunki,kallpanchasqaraqmi tarikunki*.
9 Kapuqnikikunamanta allinnin kaqta quspayá Jehova Diosta hatunchay,+chakraykipi punta qispiq* kawsaykunata+ quspayá* payta hatunchay.
10 Hinaptinqa taqikikunapim kawsaykuna huntay-huntay kanqa,+vino churanaykikunapipas* vinom achkallay-achka kanqa.
11 Churilláy, amayá wischupakuychu allinnikipaq Jehova Diospa anyasusqaykitaqa,+amayá piñakuruychu pay qaqchasuptikiqa.+
12 Imaynam huk taytapas kuyasqanrayku churinta rimapayan,+chaynam Jehova Diospas haykam kuyasqantaqa rimapayan*.+
13 ¡Mayna kusisqam yachayniyuq kananpaq kallpanchakuq runaqa!+
¡Mayna kusisqam allin tantiaq runaqa!
14 Yachayniyuq kaymi aswan allinqaquri-qullqiyuq kaymantaqa.+
15 Yachayniyuq kayqa lamar quchapi alaqa rumikunamantapas* aswan valorniyuqmi,ima munasqaykimantapas aswan valorniyuqmi.
16 Yachayniyuq kaspaqa unaymi kawsakunki,yachayniyuq kaspaqa tukuy imayuqmi kanki, riqsisqa runam kanki.
17 Yachayniyuq kaspaqa kusisqam kawsakunki,yachayniyuq kaspaqa hawkam kawsakunki.+
18 Yachayniyuq kayta munaqkunapaqqa yachayqa vida qukuq sacha hinam,yachayta tariruspa waqaychaqkunataqa “mayna kusisqam kanki” ninqakum.+
19 Allin yachaywanmi Jehova Diosqa kay pachata takyachirqa,+allinta tantiaspanmi cielokunatapas unancharqa.+
20 Yachaywanmi lamar quchatapas rakirqa,yachaywanmi sullatapas puyukunamanta sullachimurqa.+
21 Churilláy, amayá tukuy chaykunataqa qunqaychu,amayá qunqaruychu yachaywan imatapas ruwaytaqa nitaq imatapas ruwanaykipaq allinta tantiaq kaytaqa.
22 Chaykunaqa kawsakunaykipaqmi yanapasunki,chaykunaqa kunkaykipi collar hinam suma-sumaqllaña kanqa.
23 Chayna kaspaqa ñanninta purispapas hawkam purinki,manam imawanpas urmankichu*,+
24 puñuspapas manam imatapas manchakunkichu,+siriykuspapas miskillatañam puñunki,+
25 qunqayllamanta hamuq sasachakuytapas manam manchakunkichu,+mana allin ruwaqkunaman wayra-para hina sasachakuy chayamuptinpas+ manam manchakunkichu.
26 Jehova Dios yanapasuptikim hawka kanki,+paymi tuqllaman wichiykunaykimanta harkasunki.+
27 Pitapas yanapaykuyta atichkaspaqa*+ yanapaykuyá,+amayá qawayllaqa-qawakuychu.
28 Amayá runamasikita kunan yanapaykuyta atichkaspaqa niychu:
“¡Pasakuy! Chaymantaña kutimunki, paqarinña imallatapas qusqayki”, nispaqa.
29 Runamasiki hichpallaykipi hawka yachachkaptinqa*
amayá ñakarichinaykipaqqa ima mana allintapas tantiaychu.+
30 Mana imanasuchkaptikiqaamayá runamasikiwanqa yanqapas-yanqaqa piñanakuychu.+
31 Maqakuq runa hina kaytaqa amayá munaychu,+amataqyá paypa imapas ruwasqantaqa qatipakuychu.
32 Mana allin ruwaq runataqa* Jehova Diosqa chiqninmi,+allin ruwaq runakunatam ichaqa kuyan.+
33 Mana allin ruwaqkunaqa Jehova Diospa nisqanman hinam aylluntin sasachakuypi kanqaku,+allin ruwaqkunam ichaqa aylluntin Diospa bendecisqan kanqaku.+
34 Burlakuqkunamantaqa Diospas burlakunmi,+llampu sunquyuqkunatam ichaqa yanapan.+
35 Yachayniyuq runakunaqa riqsisqam kanqaku,mana yuyayniyuqkunam ichaqa pinqaypi kanqaku.+
Willakuykuna
^ Utaq: “Kamachikuyniykunataqa”.
^ Hebreo rimaypiqa nichkan: “Tulluykikunapas allinmi kanqa”, nispam.
^ Utaq: “Ganakusqaykimanta quspayá”.
^ Utaq: “Allinnin kaq”.
^ Utaq: “Uvas sarunaykikunapipas”.
^ Utaq: “Corregin”.
^ Utaq: “Coralkunamantapas”.
^ Utaq: “Haytakunkichu”.
^ Utaq: “Yanapanayki kachkaptinqa”.
^ Utaq: “Tiyachkaptinqa”.
^ Utaq: “Llulla runataqa”.
