Proverbios 31:1-31
31 Kamachiq ñuqa Lemuelmi mamaypa ancha sumaq rimapayawasqankunata qillqarqani, paymi niwarqa:+
2 “Wawalláy, wachakusqay wawalláy,prometekuspa mañakusqay wawalláy,¿imatataq ñuqa nikiman?+
3 Amayá warmikunapiqa kallpaykitaqa tukuychu,+amayá warmikunawan kakuspa mana allinpi tukuq kamachiqkunataqa qatipakuychu.+
4 Wawalláy Lemuel,manam reykunaqa vinotaqa tomanankuchu,manam kamachiqkunaqa ninankuchu: ‘Maypiraq aqa tomaykunaypaq’, nispaqa.+
5 Sinkaruspankuqa manañam kamachikuyman hinaqa imatapas ruwanmankuchu,mana piyniyuq wakchakunatapas ñakarichinmankum.
6 Wañuy patanpi tarikuqkunamanqa puqusqa aqatayá quykuy,+llumpay llakisqa kaqkunamanpas vinotayá quykuy.+
7 Chayta tomaspayá wakcha kasqankuta qunqachunku,amañayá ñakariypi kasqankutaqa yuyarichunkuchu.
8 Mana piyniyuqkunapa rantinpiyá rimariy,wañuy patanpi kaqkunapa rantinpiyá rimariy.+
9 Rimarispaykiyá allin ruwayman hina ima sasachakuytapas allichay,wakchakunamantawan mana piyniyuqkunamantayá nanachikuy.+
א [alef]
10 Allin* warmiqa sasa tarinam,+lamar quchapi alaqa rumikunamantapas* aswan chaninniyuqmi chayna warmiqa.
ב [bet]
11 Chayna warmimantaqa qusanpas manapunim iskayrayanchu,qusanpaqqa ima allin kaqkunapas manam pisipunchu.
ג [guimel]
12 Payqa wañukunan punchawkamam allinllata imatapas ruwaspan qusanta kusichin,mana allinkunata ruwaspanqa manam llakichinchu.
ד [dalet]
13 Payqa millwatawan linaza qaytuta rantispanmikusikuyllawanña tukuy imata ruwan.+
ה [he]
14 Payqa negociante runapa botenkuna hinam+
karumantaraq mikuytapas apamun.
ו [waw]
15 Tuta-tuta hatarispanmiwasinpi kaqkunaman mikuchin,serviqnin warmikunamanpas mikuchinmi*.+
ז [zayin]
16 Allinta tantiaykuspanmi chakratapas rantin,llamkakusqan qullqiwanmi chakrapipas uvaskunata plantan.
ח [jet]
17 Wiqawninta sumaqta wataykuspanmimakinkunawan anchallataña llamkan.+
ט [tet]
18 Negocio ruwasqanpas allinmi,imakunatapas ruwananpaqmi mecheronpas tutakama ratan.
י [yod]
19 Kallapatam hapiykun,puchkatilluta hapiykuspanmi puchkan.+
כ [kaf]
20 Mana piyniyuqkunatam yanapaykun,wakchakunamanmi imallatapas quykun.+
ל [lamed]
21 Rakta pachayuq kasqankuraykumritimuptinpas wasinpi kaqkunamantaqa mana llakikunchu.
מ [mem]
22 Payqa qatakunatam awan,pachankunapas linaza qaytumantawan morado qaytumantam.
נ [nun]
23 Qusanpas llaqtapa punkunpim ancha riqsisqa,+chaypim punta apaqkunawan kuska tiyaykun.
ס [samekh]
24 Payqa linaza qaytumantam pachakunata* ruwaspan rantikun*,negociante runakunamanpas chumpikunata awaruspanmi rantikun.
ע [ayin]
25 Payqa mana manchakuq ancha kuyasqa warmim,payqa hamuq punchawkunatapas manam manchakunchu.
פ [pe]
26 Yachaywanmi imatapas rimarin,+ancha kuyakuywanmi* payqa imatapas rimarin.
צ [sade]
27 Wasinpi kaqkuna imayna kawsasqantam sumaqta qawan,mana llamkasqanpa chanintaqa manam mikunchu.+
ק [qof]
28 Wawankunapas sayariykuspam allin ruwasqanmanta alabaykunku,qusanpas sayariykuspanmi paymanta allinkunata rimaspan nin:
ר [resh]
29 ‘Allin warmikuna achka kaptinpasqanmi llapanmanta aswan allinqa kanki...’, nispa.
ש [shin]
30 Allin sunquyuqpaq rikchakuq warmipas ukunpiqa manam chaynachu kanman, kuyayllapaq kayninpas tukuruqllam,+Jehova Diosta manchakuq warmim ichaqa ancha alabaykusqa kanqa.+
ת [taw]
31 Tukuy ima ruwasqanmantayá paymanqa tukuyta quychik,+allin kaqkunata ruwasqanraykuyá llaqtapa punkunpipas alabasqa kachun”, nispa.+
Willakuykuna
^ Utaq: “Viva-viva”.
^ Utaq: “Coralkunamantapas”.
^ Ichapas kanman: “Serviqnin warmikunamanpas imam ruwanankutam kamachin”, niqpas.
^ Utaq: “Ukun pachakunata”.
^ Utaq: “Venden”.
^ Kaypiqa rimachkan imaña kaptinpas hinalla kuyakuq kasqanmantam.
