Proverbios 5:1-23
5 Churilláy, yachachisqaykunatayá sumaqta uyariy.
Allin tantiaq kanamanta yachachisqaytayá sumaqta uyariy.+
2 Chaynapi allin yuyayniyuq kanaykipaqchaynataq imam kaqta yachaywan rimanaykipaq.+
3 Hukwan-hukwan kakuq warmipa* rimasqanqa miel hinaraqmi miskillaña.+
Paypa rimasqanqa aceitemantapas aswan llampuraqmi.+
4 Malliykusqam ichaqa ajenjo hina qatqillaña,+hinaspapas iskay lawnin kuchukuq espada hinaraqmi.+
5 Chay warmiqa wañuymanmi richkan,chay warmiqa wañuqkunapa kasqanmanmi* richkan.
6 Chay warmiqa manam piensayllapas-piensanchu allinkunata ruwaspa hinalla kawsakuytaqa.
Payqa manam yachanchu imapaq kawsakusqantapas.
7 Chaynaqa churilláy*, uyariykuwayá,hinaspayá kay nisqaykunataqa ama qunqaychu.
8 Chayna warmimantaqa karunchakuyá,amayá wasin punkullamanpas asuykuychu.+
9 Yanqañataq pinqaypi kawaq,+yanqañataq ñakariyllapiña unay wata tarikuwaq.+
10 Yanqañataq kapuqnikita* hukkuna tukunman,+yanqañataq sasawan armakusqaykikunapas huklaw llaqtayuq runapa wasinpiña kanman.
11 Chayna kaptinqa kallpayki tukuruptinmipesapakuyllapiña kawaq.+
12 Hinaspam niwaq: “¡Rimapayawasqankuta uyarikullayman karqa!
¡Niwasqankutapas sunqumanta kasukullayman karqa!
13 Ñuqaqa rimapayawaqniykunatapas manam uyariqchu kani,ñuqaqa rimapayawaqniykunapa niwasqantaqa manam kaqpaqpas hapiqchu kani.
14 Ñuqaqa Diospa runankunapa qayllanpimhatun pinqaypi tarikullani”, nispa.+
15 Quchachikusqayki yakullaykita tomachkaq hinayá,pukyuykimanta lluqsiq yakullaykita tomachkaq hinayá warmillaykiwan puñuspa kusikuy.+
16 Amayá huk warmikunawanqa puñuychu,amayá plazakunapi tupamusqayki warmikunapiqa churikikunaqa kachunchu*.+
17 Aswanqa qamllapaqyá kachun,amayá hukkunamanqa quychu.+
18 Warmillaykiwan puñuspayá kusikuy*,musullaraq kaspa casarasqayki warmillaykiwan puñuspayá kusikuy.+
19 Payqa uywasqa china luwichu hinam, payqa kuyayllapaq purun cabra* hinam.+
Paypa kuyakuynillanwanyá sunquyki tukuy tiempo kusisqa kachun*,ancha-anchata kuyasusqaykiraykuyá paymantaqa ama kacharikuychu.+
20 Churilláy, ¡imaynamá hukwan-hukwan kakuq warmiwanqa* sunquykita suwachikuwaq!
¡Imaynamá huchapakuq warmiwanqa kakuwaq!+
21 Runapa imapas ruwasqanqa Jehova Diospa qawasqallanmi kachkan.
Diosqa runapa imayna kawsasqantam sumaqta qawamuchkan.+
22 Mana allin ruwaq runaqa mana allin ruwasqanman hinam sasachakuypi kanqa,paytaqa kikinpa huchallanmi waska hina tiqurunqa.+
23 Mana kasukusqanraykum wañunqa,ruqru uma kasqanraykum chinkanqa.
Willakuykuna
^ Kaypiqa yaqachusmi rimachkan Diospa kamachisqanta mana kasukuq warmimanta.
^ Hebreo rimaypiqa nichkan: “Seolmanmi”, nispam. Qaway kay palabrapa ima ninan kasqanta.
^ Hebreo rimaypiqa nichkan: “Churillaykuna”, nispam.
^ Utaq: “Kallpaykita”.
^ Hebreo rimaypiqa nichkan: “¿Yaqachu quchachikusqayki yakuykitaqa huklawpi usuchiwaq? ¿Yaqachu chay pukyuykipi yakutaqa plazakunapi usuchiwaq?”, nispam.
^ Hebreo rimaypiqa nichkan: “Yaku hurqunayki pukyuykiyá bendecisqa kachun”, nispam.
^ Utaq: “Ibice sutiyuq cabra”.
^ Hebreo rimaypiqa nichkan: “Paypa ñuñunkunawanyá haykapipas sinkakuy”, nispam.
^ Kaypiqa yaqachusmi rimachkan Diospa kamachisqanta mana kasukuspan hukwan-hukwan kakuq warmimanta.
