Romanos 8:1-39
-
Diospa atiyninwan kawsakuyta hinaspa librasqa kayta haypanamanta (1-11)
-
Diospa churin kasqankumanta Diospa atiyninpa willakusqan (12-17)
-
Unanchasqa kaqkuna Diospa churinkuna librasqa kanankuta suyasqankumanta (18-25)
-
“Diospa atiyninmi rantinchikpi rimachkanmanpas hina yanapawanchik” (26, 27)
-
Diospa ñawpaqmantaraq tantiasqanmanta (28-30)
-
Diospa kuyakuyninwan sasachakuykunata vencenamanta (31-39)
8 Chaynaqa manam huchayuqpaq hapisqachu kanku Jesucristowan kuska kaqkunaqa.
2 Qamtaqa Diospa atiyninmi* librasurqanki+ huchapa chaynataq wañuypa munaychakususqaykimanta, Diospa atiyninqa Jesucristowan* huklla kaqkunaman kawsakuy quqmi.
3 Huchallikuq kasqanchikraykum Moisespa chaskisqan kamachikuykunaqa hucha chinkachiytaqa mana atirqachu,+ Diosmi ichaqa sapallan churinta kachamuspan+ huchamanta libraykuwanchik,+ churinqa ñuqanchik hina runam karqa*.+ Chayta ruwaspanmi Diosqa huchallikuq runakunata juzgarqa*.
4 Churintaqa kachamurqa Moisespa chaskisqan kamachikuykunapi kaq allin kamachikuykunata kasukuyta atinapaqmi.+ Ñuqanchikqa manam aychaman hinachu kawsakunchik, aswanqa atiyninwan Diospa yanapawasqanchikman hinam.+
5 Aychaman hina kawsaqkunaqa aychankupa munasqan ruwayllapi umayuqmi kanku,+ atiyninwan Diospa yanapasqanman hina kawsakuqkunam ichaqa atiyninwan yanapaptin allin kaqkuna ruwaypi umayuq kanku.+
6 Aychapa munasqanta ruwayllapi umayuq kayqa wañuymanmi apakun,+ Diospa atiyninman hina piensaymi ichaqa kawsakuyman hinaspa hawkayayman apakun,+
7 aychapa munasqanta ruwayllapi umayuq kaqkunaqa Diospa enemigonmi kachkanku,+ paykunaqa manam Diospa kamachikuyninkunataqa kasukunkuchu nitaq kasukuytaqa atinkuchu.
8 Chaymi aychaman hinalla kawsakuqkunaqa Dios kusichiytaqa mana atinmankuchu.
9 Diospa atiynin* chiqaptapuni qamkunapi kaptinqa manam aychaman hinachu kawsakuwaqchik, aswanqa atiyninwan Diospa yanapasusqaykichikman hinam.+ Ichaqa pipas Cristo* hina mana piensaspanqa manam paypaq hinachu.
10 Qamkunawan huklla Cristo kaptinqa+ hucharayku cuerpoykichik wañusqa kaptinpas Diospa atiyninwanmi kawsankichik allin ruwaqpaqña chaskisqa kasqaykichikrayku.
11 Chayrayku, sichu qamkunapi kanqa wañusqakunapa kasqanmanta Jesusta kawsarichiq Diospa atiynin,+ hinaptinqa qamkunapa wañuruqlla cuerpoykichiktapas chay atiyninwanmi kawsarichinqa,+ Diosqariki wañusqakunapa kasqanmanta Jesucristota kawsarichiqmi.
12 Chaymi ñuqanchikqa wawqi-panillaykuna aychanchikpa munasqantaqa mana ruwananchikchu.+
13 Aychaman hina kawsaspaykichikqa wañunkichikpunim, aychapa munayninkunata saqinaykichikpaq+ Diospa atiyninwan yanapachikuspam ichaqa kawsankichik.+
14 Diospa atiyninwan llapallan pusasqa kaqkunaqa Diospa chiqap churinkunam kanku.+
15 Diospa atiyninqa manam sirviente kanapaqchu nitaq manchakuq kanapaqchu, aswanqa Diospa churinkuna hinaña kananchikpaqmi yanapawanchik, chay atiyninwanmi “¡abba* taytáy!” nispa qayakunchik.+
16 Diospa atiyninmi* sunqunchikpi sutillata willawanchik+ Diospa churinkuna kasqanchikta.+
17 Churinkuna kaspanchikqa herenciatapas chaskiqkunam kanchik. Ñuqanchikqa kanchik Diosmanta herencia chaskiqmi hinaspa Cristopa herencia chaskiqmasinmi.+ Cristo hina ñakarispaqa+ paywan kuskataqmi hatunchasqa kasunchik.+
18 Chaynaqa, kunan tiempopi ñakarisqanchikqa manam imachu hamuq punchawkunapi chaskinanchikpaq Diospa qawachiwananchik suma-sumaq kaqwanqa.+
19 Diospa unanchasqankunaqa kusisqallañam suyachkanku Diospa churinkuna hatunchasqa kanankuta.+
20 Diospa unanchasqankunaqa mana valeqñam rikurirurqa*,+ ichaqa manam kikinkumantachu, aswanqa chayna kanankupaq Dios saqiykuptinmi. Chaywanpas Diosqa imayna allichasqa kananmantam willakurqa.
21 Diosqa yacharqam unanchasqa kaqkunaqa huchapa hinaspa wañuypa serviqnin kasqankumanta librasqa kanankuta,+ chaynapi Diospa churinkuna hina libreña kanankupaq. Chayna librasqa kasqankuqa suma-sumaqmi kanqa.
22 Ñuqanchikqa yachanchikmi lliw unanchasqa kaqkuna kunankama hinalla ñakarispa waqasqankuta hinaspa nanaypi tarikusqankuta.
23 Ichaqa manam paykunallachu, ñuqanchikpas Diospa atiyninta chaskichkaspapas sunqunchikpim ñakarichkanchik,+ Diospa atiyninqa herencianchikmanta punta kaq chaskisqanchikmi. Chaynam tarikunchik Diospa churinkuna kananchikta munayllawanña suyaspanchik,+ Diospa churinkuna kaspanchikqa cuerponchikmantam librasqa kasun Jesucristo wañukuspan librawasqanchikrayku.
24 Chaynata huchanchikmanta Dios libraykuwaptinchikmi chayta suyachkanchik. Ichaqa pipas suyasqanta chaskiruspanqa manañam suyanñachu, ¿imaynamá imapas suyasqanta chaskiruspanqa suyanqaraq?
25 Mana rikusqanchikta+ suyaspanchikmi+ ichaqa sasachakuykunapi kaspapas chayta munayllawanña hinalla suyachkanchik*.+
26 Chaynallataqmi Diospa atiyninpas mana kallpayuq tarikuptinchik yanapawanchik.+ Ichapas sasachakuykunapi kaspa Diosta mañakuyta munanchik, ichaqa llumpay hukmanyasqa kasqanchikraykum ima niytapas mana yachanchikchu. Chayna tarikuptinchikqa Diospa atiyninmi rantinchikpi rimachkanmanpas hina yanapawanchik.
27 Runapa sunqunta allintapuni riqsiq+ Diosqariki yachanmi rimachkanmanpas hina rantinchikpi atiyninpa ima niy munasqantaqa, chay atiyninqa Diospa chuya runankunatam yanapan munayninman hina mañakuspan.
28 Yachasqanchikman hinam Diospa tukuy ima ruwasqankunaqa tantiasqanman hina ruwakun* kuyaqninkunapa allinninpaq, paykunaqa tantiasqanman hina qayasqankunam kanku.+
29 Diosqa qallariymantapacham yacharqaña runakuna akllanantaqa, payqa ñawpaqmantaraqmi tantiarqaña churinman rikchakuq kanankuta,+ chaynapi achka wawqinkunamanta+ churin piwi*+ kananpaq.
30 Chaymantapas, qallariymantapacha tantiasqanman hinam akllasqan runakunataqa+ qayarqa,+ hinaspanmi mana huchayuqpaqña chaskirqa.+ Chaymantañataqmi paykunata hatuncharqa.+
31 Hinaptinqa, ¿ima nisuntaq kaykunamantaqa? Ñuqanchikwan Dios kaptinqa, ¿pitaq contranchikpiqa kanman?+
32 Churinpuni ñakarinantapas mana harkakuspan ñuqanchikrayku wañunanta saqiq Diosqa,+ ¿imaynamá manaqa tukuy imakunatapas quykuwasunchu? Churintapas quykuwachkaspanchikqa, ¿manachu kuyakuyllawanña tukuy imakunatapas quykuwasun?
33 Diospa akllasqankunapa contranpiqa, ¿pitaq ima mana allintapas rimanman?+ Paykunaqa Diospa mana huchayuqpaqña chaskisqanmi kanku.+
34 ¿Pitaq paykunata huchayuqpaq hapinman? Manamá pipas. Jesucristoqa paykunaraykum wañukurqa, hinaspanmi kawsariramuspan Diospa alliq* lawninpiña+ kachkan, chaymantapas payqa ñuqanchikpa rantinchikpim ruegakuspa rimarin.+
35 ¿Pitaq* Cristopa kuyakuyninmanta rakiwachwan?+ ¿Llumpa-llumpay ñakariychu, llumpay llakisqallaña kaychu, chiqnikuq runakunapa maskasqan kaychu, yarqaymanta kaychu, mana pachayuq kaychu, wañuy patanpi kaychu icha maqapasqa kaychu*?+
36 Ñawpaq qillqakunapim nin: “Qamraykum tukuy tiempo wañuypa patanpi kaniku, nakanapaq ovejakunata hinam qawawanku”, nispa.+
37 Aswanqa kuyawaqninchik Jesucristo yanapawasqanchikraykum tukuy chay sasachakuykunapi kaspapas allinta takyanchik.+
38 Ñuqaqa manam imaniraqllatapas iskayrayanichu Dios kuyawasqanchikmantaqa. Wañuruptinchikpas utaq hinalla kawsakuptinchikpas Diosqa kuyawanchikmi, angelkuna utaq kamachiq runakuna imataña ruwawaptinchikpas Diosqa kuyawanchikmi, manam atiypas, kunan tiempopi ima kaqkunapas, hamuq tiempopi ima kaqkunapas,+
39 altopi kaqpas*, ukupi kaqpas*, ni ima unanchasqa kaqkunapas Diospa kuyakuyninmantaqa rakiwachwanchu, chaynatam señorninchik Jesucristopas kuyawanchik.
Willakuykuna
^ Utaq: “Diospa akllasqanwan”.
^ Griego rimaypiqa nichkan: “Diospa atiyninpa kamachikuyninmi”, nispam.
^ Griego rimaypiqa nichkan: “Huchata sentenciarqa”, nispam.
^ Utaq: “Churinqa pantaq runakunapa cuerpon hina cuerpoyuqmi karqa”.
^ Utaq: “Diospa akllasqan”.
^ Kay palabraqa hebreo utaq arameo rimaypim kachkan. “Abba” ninanqa: “Papáy”, ninanmi.
^ Utaq: “Chuya espiritum”.
^ Utaq: “Unanchasqankunapa ima ruwasqankupas yanqapaqñam karqa”.
^ Utaq: “Aguantachkanchik”.
^ Utaq: “Ruwasqankunaqa yanapanakun”.
^ Utaq: “Punta naceq”.
^ Utaq: “Paña”.
^ Utaq: “Wañuchiwananchikpaq amenazasqa kaychu”.
^ Utaq: “Imataq”.
^ Ichapas kanman: “Riqsisqa kaypas”, “hatunchasqa kaypas”, niqpas.
^ Ichapas kanman: “Sasachakuypi kaypas”, “mana kaqpaq hapisqa kaypas”, niqpas.
