Salmos 103:1-22
Davidpa takisqan.
103 Jehova Diostam ñuqaqa hatunchasaq,tukuy sunquywanmi Diospa chuya sutinta hatunchasaq.
2 Jehova Diostam ñuqaqa hatunchasaq,manam haykapipas qunqasaqchu tukuy ima ruwasqankunataqa.+
3 Payqa llapallan huchaykikunatam pampachaykun,+nanaynikikunatapas samaykachinmi.+
4 Payqa wañuymantam harkaykusunki,+kuyakuyninwanmi* hinaspa llakipayakuyninwanmi coronaykachisunki.+
5 Payqa allin kaqkunatam qusunki+ wañukunayki punchawkama,chaynapi anka hina musu kaynikiman kutiykunaykipaq.+
6 Jehova Diosqa nisqanman hinam+chaynataq allin kaqman hinam ñakariqkunata yanapaykun.+
7 Payqa ñanninkunatam Moisesman riqsichirqa,+payqa ruwasqankunatam Israelpa mirayninkunaman riqsichirqa.+
8 Jehova Diosqa kuyapayakuqmi, payqa llakipayarikuqmi,+payqa mana chaylla piñakuqmi, payqa imaña kaptinpas ancha kuyakuqmi.+
9 Payqa manam sapa kutichu huchanchikkunallamanta niwasun,+payqa manam wiñaypaqchu piñakurunqa.+
10 Payqa manam huchanchikman hinachu imatapas ruwawanchik,+payqa manam mana allinta ruwasqanchikman hinachu kutichipuwanchik.+
11 Imaynam hanaq pachapas allpa pachamantaqa alto-altopi kachkan,chayna hatunmi payta manchakuqkunapaq kuyakuyninqa*.+
12 Imaynam intipa qispimunanmanta intipa siqaykunanpas karu-karupi kachkan,chaynatam huchanchikkunatapas ñuqanchikmanta karuncharun.+
13 Imaynam taytapas churinkunata llakipayan,chaynam Jehova Diospas manchakuqninkunataqa llakipayan.+
14 Payqa sumaqtam yachan imamanta ruwasqa kasqanchikta,+payqa yuyanmi ñutu allpallamanta ruwasqa kasqanchikta.+
15 Runapa vidanqa qura hinallam,+purunpi wayta hinam waytarin,+
16 ichaqa wayra pukuykamuptinmi chaylla chinkarun,hinaptinmi maypi wiñasqanpas mana yachakunchu.
17 Jehova Diospa kuyakuyninmi* ichaqamanchakuqninkunapaqqa wiña-wiñaypaq,+allin ruwaq kayninqa haypanmi manchakuqninkunapa mirayninkunapaqpas,+
18 contrato* ruwasqanman hina ruwaqkunapaqpas+chaynataq kamachikuyninman hina ruwaqkunapaqpas.
19 Jehova Diosqa hanaq pachapim trononta sumaqta takyachirqa,+payqa llapallanta kamachiqmi.+
20 Jehova Diostayá hatunchaychik angelninkuna,+ paytayá hatunchaychik kallpasapakunawan atiyniyuqkuna,paytayá hatunchaychik paypa nisqanman hina ruwaqkuna,+ paypa kamachikuyninkunata kasukuqkuna.
21 Jehova Diostayá hatunchaychik angelninkuna,+paytayá hatunchaychik yupaychaqninkuna, paypa munaynin ruwaqkuna.+
22 Jehova Diostayá hatunchaychik paypa unanchasqan kaqkuna,paypa kamachisqan sitiokunapiyá payta hatunchaychik.
Jehova Diostam ñuqaqa hatunchasaq.
Willakuykuna
^ Kaypiqa rimachkan imaña kaptinpas hinalla kuyakuq kasqanmantam.
^ Kaypiqa rimachkan imaña kaptinpas hinalla kuyakuq kasqanmantam.
^ Kaypiqa rimachkan imaña kaptinpas hinalla kuyakuq kasqanmantam.
^ Utaq: “Pacto”. Qaway kay palabrapa ima ninan kasqanta.
