Salmos 27:1-14
Davidpa takisqan.
27 Jehova Diosmi achkiwaqniyqa,+ paymi waqaychawaqniyqa,¿pitataq manchakuyman?+
Jehova Diosmi harkawaqniyqa,+¿pitataq manchakuyman?
2 Lliw chiqniwaqniykunam wañuchiwananpaq hamurqaku,+chaywanpas kikillankum urmaruspa wichiykurqaku.
3 Achkallaña tropakuna chawpicharuwaptinpasmanapunim manchakusaqchu,+ñuqawan peleanankupaq hamuptinkupasDiosllapim hapipakullasaq.
4 Jehova Diostam mañakurqani,chaytam ñuqaqa maskallasaq.
Mañakurqaniqa wañukunaykama Jehova Diospa wasinpi kawsakuytam,+chaynapi Jehova Diospa ancha-ancha kuyakuq kasqanta yachanaypaq,sumaq wasinta* qawaspay kusikunaypaq.+
5 Payqa sasachakuykuna kaptinmi pakaykullawanqa,+carpan ukupim pakaykullawanqa.+
Hatun rumipa hawanmanmi churaykullawanqa.+
6 Kunanqa llapallan chiqniwaqniykunapa hawanpim kachkani.
Ñuqaqa kusikuymantam Diosniypaq carpanpi kañapusaq.
Jehova Diospaqmá takipullasaq*.
7 Jehova Dioslláy, yanapaykuwanaykipaq qayakamusqaytayá uyariykullaway.+
Uyariykuwaspaykiyá llakipayariykullaway.+
8 Sunqullaypim yuyarini:
“Ñuqatayá maskawaychik”, nisqaykita.
Chaymi Jehova Diosnilláy qamllata maskallasqayki.+
9 Amayá ñuqamantaqa pakakuwaychu.+
Amayá piñakuynikipiqa qipancharuwaychu,qanmi yanapawaqniyqa kanki.+
Amayá saqillawaychu, amayá qunqallawaychu.
Diosnilláy, waqaychaykuwaqniymi qamqa kanki.
10 Tayta-mamayña saqirullawaptinpas+
Jehova Diosmi ñuqataqa uywakullawanqa.+
11 Jehova Dioslláy, ñannikitayá riqsiykachillaway.+
Achkallañam chiqniwaqniykunaqa, chayraykuyá allin ñanninta pusarikullaway.
12 Amayá chiqniwaqniykunapa makinmanqa churaykuwaychu.+
Ñuqamantam yanqakunata rimanku,+wañurachiwaytam munanku.
13 Jehova Dioslláy, maypiraq kachkayman karqa qamllapi mana hapipakuspayqa,imaynaraq kachkayman karqa kuyakuywan yanapaykuwanaykimanta iskayrayaspayqa.+
14 Amayá manchakuychu nitaq hukmanyaychu.+
Jehova Diosllapiyá hapipakuy.+
Arí, Jehova Diosllapiyá hapipakuy.
