Salmos 34:1-22
Davidpa takisqan. David locotukuptin+ Abimelecpa qarqurusqanmanta.
א [alef]
34 Sapa punchawmi Jehova Diospaq takipullasaq.
Mana samaykuspam hatunchallasaq.
ב [bet]
2 Jehova Diosmantam ñuqaqa maypipas rimasaq.+
Llampu sunquqa chayta uyarispanmi kusikunqa.
ג [guimel]
3 Ñuqawan kuskayá Jehova Diosta hatunchaychik.+
Kuskayá sutinta hatunchasun.
ד [dalet]
4 Jehova Diosqa qayakuptiymi uyariykullawarqa.+
Mana imatapas manchakunaypaqmi yanapaykullawarqa.+
ה [he]
5 Payta maskaqkunaqa kusikuymantam kancharinqaku.
Paykunaqa manam haykapipas pinqaypiqa kanqakuchu.
ז [zayin]
6 Kay wakcha runapa qayakusqaytam Jehova Dios uyariykamullawarqa.
Sasachakuyniykunamantam harkaykullawarqa.+
ח [jet]
7 Jehova Diospa angelninqa payta kasukuqkunapa muyuriqninpim kachkanwaqaychaykunanpaq.+
ט [tet]
8 Qawaykuspayá yachaykuychik Jehova Diosqa allin sunquyuq kasqanta.+
Anchatam kusikun paypa waqaychasqan runaqa.
י [yod]
9 Jehova Diostayá manchakuychik* paypa chuyanchasqan kaqkuna.
Payta manchakuqkunapaqqa manam imankupas pisipunqachu.+
כ [kaf]
10 Malta leonkuna yarqaymanta kaptinpas,Jehova Diosta maskaqkunapaqqa manam imankupas pisinqachu.+
ל [lamed]
11 Churillaykuna, asuykamuwaspayá uyariykullawaychik,Jehova Diosta manchakuytam yachachisqaykichik.+
מ [mem]
12 ¿Mayqinnikichiktaq kusisqa kawsakuchkankichik?
¿Pitaq munanman unay wata kusisqa kawsakuyta?+
נ [nun]
13 Chaynaqa, amayá mana allintaqa rimaychu.+
Amayá llullata rimaspaqa pitapas pantachiychu.+
ס [samekh]
14 Mana allin ruwayta saqispayá allin kaqkunata ruway.+
Hawkayaytayá maskay, hinaspayá chayman hina kawsakuy.+
ע [ayin]
15 Allin ruwaq runakunatam Jehova Diosqa qawamuchkan.+
Paykunapa qayakusqantaqa uyarinmi.+
פ [pe]
16 Ichaqa mana allin ruwaqkunapa contranpim Jehova Diosqa kachkan.
Kay allpa pachamantam paykunataqa wiñaypaq chinkachinqa.+
צ [sade]
17 Qayakuptinkum Jehova Diosqa uyariykurqa,+hinaspam sasachakuyninkupi yanapaykurqa.+
ק [qof]
18 Jehova Diosqa llakisqa sunquyuqkunapa hichpallanpim kachkan.+
Llumpay hukmanyasqa kaqkunatam yanapaykun.+
ר [resh]
19 Allin ruwaqkunaqa tukuy imawanmi ñakarinku.+
Chaywanpas Jehova Diosmi tukuy chaykunamanta libraykun.+
ש [shin]
20 Paymi harkaykun tullunkunamayqillanpas mana pakisqa kananpaq.+
ת [taw]
21 Mana allin runaqa mana allin ruwasqanraykum wañunqa.
Allin ruwaqta chiqniqkunapas imam chaskinankutam chaskinqaku.
22 Jehova Diosqa yupaychaqninkunatam wañuymanta harkaykun.
Llapallan paypi hapipakuqkunaqa mana huchayuqpaqñam chaskisqa kanqaku.+
Willakuykuna
^ Qaway kay palabrapa ima ninan kasqanta.
