Salmos 67:1-7
Takiqkunata yachachiqpaq. Cuerdayuq kaqkunawan takinapaq.
67 Diosqa llakipayaykuwaspanchikmi yanapaykuwasun.
Diosmi kuyakuyninta qawaykachillawasun.+ (Samarinapaq).
2 Chaynapim llapallan runakuna ñannikimanta yachanqaku.+
Llapallan llaqtakunapipas yachanqakum yanapakuq Dios kasqaykita.+
3 Diosnilláy llapallan runakunayá hatunchasunki.
Llapallan runakunayá yupaychasunki.
4 Llapallan llaqtakunayá kusikuchunku. Kusikuymantayá qaparichunku.+
Qamqa mana pimanpas sayapakuq juezmi kanki.+
Qamqa allpapi llapallan nacionkunatam maynin rinanta riqsichinki. (Samarinapaq).
5 Diosnilláy, llapallan runakunayá hatunchasunki.
Llapallan runakunayá yupaychasunki.
6 Allpaqa allintam rurunqa.+
Diosninchikmá bendeciwasun.+
7 Diosninchikmi bendeciwasun,Enteron allpapi runakunam payta manchakunqaku.+
