Yachachikuypa kasqanman rinapaq

Yachachikuyman rinapaq

Qallarinaykipaq (abre una nueva ventana)

Jehova Diospa testigonkuna

Rimaynikita akllay Quechua (Ayacucho) Qallarinaykipaq (abre una nueva ventana)

LEEY

BIBLIAMANTA ASTAWAN YACHANAPAQ | JOB 16-20

Sumaq rimaykunawan wakinkunata kallpanchay

QALLARINMANMI

Sumaq rimaykunawan wakinkunata kallpanchay

Sumaqllatam anyaykuna pitapas pantasqanmantaqa

Jobqa hukmanyasqa hinaspa llakisqam karqa, chaymi kallpanchanankuta munarqa.
Kimsa amistadninkunaqa manam kallpanchanankupaq hinachu Jobtaqa rimapayarqaku, aswanqa nanay simiwanmi.

Nanay simiwan Jobta Bildad rimapayasqanraykum Jobqa hukmanyarurqa

Jobqa Diostam mañakurqa ñakariyninpi yanapaykunapaq, wañuchispan ñakariyninta chinkachinan kaptinpas.
Jobqa runakuna kawsarimunanpim yuyaymanarqa, chaymi hinalla Diosman sunqu karqa.

¿PIKUNATAQ JOBTAQA YANQAKUNATA NISPANKU LLAKICHIRQAKU?

Elifaz

Yaqapaschá Teman llaqtamanta karqa, Edom nacionmanta. Jeremias 49:7 nin Teman llaqtapiqa yachaysapa runakuna kasqankuta.
Yaqachusmi Elifazqa wakinkumantapas astawan yuyaq kasqanrayku Jobta puntata rimapayarqa. Kimsa kutikaman unay tiempo rimarqa.

¿Imamantam Jobta tumparqa?

Jobtam nirqa huchayuq kasqanta, nirqataqmi Diosqa serviqninkunapi mana confiasqanta (Job 4, 5).
Nirqataqmi Jobqa qara uya, mana allin ruwaq hinaspa Dios mana manchakuq runa kasqanta (Job 15).
Jobtam nirqa munaysapa hinaspa mana allin ruwaq kasqanta, nirqataqmi runakunaqa Diospaqqa mana serviq kasqanta (Job 22).

Bildad

Sua ayllumantam karqa. Yaqachusmi yacharqa Eufrates mayupa patanpi.
Elifazpa qipantam rimarqa. Manam unaychu rimarqa, ichaqa Elifazpa rimasqanmantaqa aswan nanay simiwanmi Jobtaqa rimapayarqa.

¿Imamantam Jobta tumparqa?

Nirqam Jobpa churinkunaqa huchallikurusqankurayku wañusqankuta, rimasqanwantaqmi qawachirqa Jobqa Diosta mana manchakusqanta (Job 8).
Nirqam Jobqa mana allin ruwaq runa kasqanta (Job 18).
Nirqam Dios serviyqa yanqapaq kasqanta (Job 25).

Zofar

Naamat llaqtamantam karqa, yaqachusmi Arabia nacionmanta.
Elifazwan Bildad rimaruptinkuñam rimarqa, paykunamantapas aswan nanay simiwanraqmi iskay kutikama rimarqa.

¿Imamantam Jobta tumparqa?

Nirqam Jobqa rimaysapa runa kasqanta, nirqataqmi hucha ruwaykunata saqinanpaq (Job 11).
Rimasqanwanmi qawachirqa Jobqa mana allin ruwasqankunawan kusikusqanta (Job 20).

HUÑUNAKUYPI YANAPAWAQNINCHIK QILLQA

Sumaq rimaykunawan wakinkunata kallpanchay

Quechua (Ayacucho)

Sumaq rimaykunawan wakinkunata kallpanchay

https://cms-imgp.jw-cdn.org/img/p/202016123/univ/art/202016123_univ_sqr_xl.jpg

Copiasqañam

Pimanpas apachinapaq