¿Pikunatataq kuyakuywan huñunakuyninchikpi chaskinanchik? Llapallan hamuqkunatam, chayllaraq hamuq kaptinpas utaq unay riqsisqanchikña kaptinpas (Ro 15:7; Heb 13:2). Chaskisqanchik runakunaqa kanmanmi huk nacionmanta hamuq iñiqmasinchikkuna utaq unaymantaña hamuq chiriyasqa iñiqmasinchikkuna. ¿Imaynataq qam tarikuwaq paykuna kaspaykiqa? ¿Manachum munawaq kuyakuywan pipas chaskiykusunaykita? (Mt 7:12). Chaymi ancha allin huñunakuykunapi lliwta rimakuykunapaq kallpanchakuyninchikqa, huñunakuy manaraq qallarichkaptin hinaspa huñunakuy tukuytapas. Chaynata ruwaptinchikqa hamuqkunapas hawkam tarikunqaku (Mt 5:16). Ichaqa wakinpiqa manapaschá lliwwanchu rimayta atisun. Chayna kaptinpas, sichum sapakama kallpanchakuptinchikqa lliw hamuqkunam kusisqa tarikunqaku. *

Tukuy tiempom lliwta kuyakuywan chaskinanchik, manam Jesuspa wañukusqanta yuyarinapaq huñunakuspallachu. Chayllaraq hamuqkuna kuyakuywan chaskiykusqanchikta qawaspankuqa munanmankum ñuqanchikwan kuska Dios serviyta (Jn 13:35).