Jesusmi qatiqninkunata kamachirqa runakunata yachachinankupaq chaynapi qatiqninña kanankupaq (Mt 28:19). Runakuna Jesuspa qatiqninña kanankupaqqa Diosmantam willananchik hinaspapas allintam yachachinanchik. Chaymi sunqunchikpi tapukunanchik: “¿Imataraqtaq ruwayman runakuna Jesuspa qatiqninña kanankupaq?”, nispa.

Runakuna asuykamuwananchikta suyanamantaqa ñuqanchikmi asuykunanchik, hinaspapas maskananchikmi uyariy munaq runakunata (Mt 10:11). Diosmanta willakuspaqa kallpanchakunanchikmi ‘qunqaymanta tupasqanchik runakunaman’ willananchikpaqpas (Hch 17:17). Chaynatam apostol Pablopas willakurqa, chaymi Lidia sutiyuq warmipas Jesuspa qatiqninña rikurirurqa (Hch 16:13-15).

‘AMA SAMAYKUSPAYÁ’ SUMAQ WILLAKUYMANTA WILLAKUSUN: HAYKAM TUPASQANCHIKKUNAMAN HINASPA WASIN-WASIN RISPA, NIQ VIDEOTA QAWARUSPA QATIQNIN TAPUKUYKUNATA KUTICHIY:

• ¿Imata ruwaspam Samuelqa qawachirqa Diosmanta runakunaman willay munasqanta?

• ¿Imanasqataq kallpanchakunanchik Diosmanta maypipas hinaspa pimanpas willakunapaq?

• ¿Pikunamantaq Diosmanta willayman maypiña kaspaypas hinaspa imataña ruwaspaypas?

Runakuna Jesuspa qatiqninña kanankupaqqa manam qillqallanchikkunatachu aypunanchik, aswanmi sapa kuti watuspanchik bibliamanta yachachinanchik (1Co 3:6-9). Ichaqa ¿imatam ruwananchik yachachisqanchik runakuna Diosta mana kasukuptinkuqa? (Mt 13:19-22). Hinallam allin sunquyuq runakunata maskananchik (Mt 13:23; Hch 13:48).

‘AMA SAMAYKUSPAYÁ’ SUMAQ WILLAKUYMANTA WILLAKUSUN: ACHKA RUNAKUNAPA KASQANPI KASPA HINASPA BIBLIAMANTA YACHACHISPA, NIQ VIDEOTA QAWARUSPA QATIQNIN TAPUKUYKUNATA KUTICHIY:

• ¿Imatam ruwarqaku Salomonwan warmichan Mariaqa Ezequieltawan warmichanta hinalla yanapanankupaq?

• ¿Imatam ruwananchik achka runakunapa kasqanpi hinaspa Diosmanta maypipas willakuspa?

• ¿Imatam wakinpiqa ruwananchik Diosmanta hinalla yachachinanchikpaq?