¿IMANASQAM ANCHA ALLIN? Jehova Diosqa allin yachachiqninchikmi, pay hinaqa manam pipas yachachiwachwanchu. Yachachiwanchikmi sumaqta kawsakunapaq, yanapawanchiktaqmi hamuq punchawpi allin kawsakunapaqpas, mana imallapaqmá yachachiwachkanchik (Is 11:6-9; 30:20, 21; Ap 22:17). Jehova Diosqa yachachiwachkanchikmi runakunaman imaynata yachachinapaq, chaynapi salvakunankupaq (2Co 3:5).

¿IMAYNATAM JEHOVA DIOSWAN ASTAWAN YACHACHISQA KACHWAN?

• Hatun tukuytam sunqunchikmanta hurqunanchik hinaspa llampu sunqu kananchik (Sl 25:8, 9).

• Imapipas yanapakunanchikpaq niwasqanchiktam ruwana, chayqa kanmanmi huñunakuypi ñawpaqman lluqsispa yachachiy.

• Kallpanchakunam Diospa llaqtanpi astawan yanapakunapaq (Flp 3:13).

• Kallpanchakunam Diospa llaqtanpi yachachikuyta astawan chaskinanchikpaq (Flp 3:8).

MAYNA ALLINMI JEHOVA DIOSPA YACHACHIKUYNINKUNAQA, NIQ VIDEOTA QAWARUSPA KAY TAPUKUYKUNATA KUTICHIY:

• Wakin iñiqkunaqa, ¿ima sasachakuykunatam atiparqaku Diospa munaychakuyninmanta willakuqkunapaq escuelaman rinankupaq?

• Diospa munaychakuyninmanta willakuqkunapaq escuelapiqa, ¿ima yachachikuytam chaskinku?

• Estudiaq iñiqkunataqa, ¿imaynatataq yanaparqaku chayasqanku llaqtapi iñiqmasinchikkunaqa?

• Diospa munaychakuyninmanta willakuqkunapaq escuelaman rinapaqqa, ¿imakunatam ruwananchik? (kr pag. 213).

• Diospa llaqtanpiqa tukuy rikchaq yachachikuykunatam chaskichwan, ¿mayqanman rinaykipaqtaq kallpanchakuwaq?