Kunan watamantam Jesuspa wañukusqanpi yuyaymanananchikpaq astawanña tiemponchik kanqa. ¿Imanasqa? Semana ukupi Jesuspa wañukusqan punchaw tupamuptinqa manañam kanqachu Diospa munayninta ruwananchikpaq huñunakuy. Sabado utaq domingo punchaw tupamuptinñataqmi manaña kanqachu lliw runapaq yachachikuy nitaq Willakuq qillqamanta yachachikuypas. Chaymi aswan tiempoyuq kasqanchikrayku, Jesuspa wañukusqan punchawta yuyarinapaq apostolkuna hina imatapas allichananchik (Lc 22:7-13; km 3/15 pag. 1). Hinaspapas, chay punchawkunaqa Diosmanmi sunqunchikta aswan kicharinanchik. ¿Imaynata?

• Chay huñunakuyman riyninchik imanasqa ancha allin kasqanpi yuyaymanaspa (1Co 11:23-26).

• Jehova Diosta mañakuspa hinaspa imayna paywan kasqanchikta qawarikuspa (1Co 11:27-29; 2Co 13:5).

• Jesus wañukusqanmanta yachachiq qillqanchikkunata ñawinchaspa hinaspa yuyaymanaspa (Jn 3:16; 15:13).

Jesuspa wañukusqan punchawta yuyarinankupaqmi wakinqa chay semanapaq bibliapa nisqanta ñawinchanku Diospa Palabranta sapa punchaw estudianapaq qillqata servichikuspanku. Wakinñataqmi qatiqnin dibujopi nisqanman hina ñawinchanku. Hukkunañataqmi Jehova Dios hinaspa Jesuspas kuyawasqanchikmanta yachachiq Willakuq qillqanchikkunata yapamanta ñawinchanku. Chaymantaqa tukuy imawanmi yachachwan, chayqa yanapawasunmi Jehova Diosman chaynataq Jesusman astawan asuykunapaq.