Jacobqa yacharqam Jehova Dioslla yupaychana kasqanta chaypaq kamachikuy manaraq kachkaptinpas (Ex 20:3-5). Chaymi Betel lawman kutinanpaq Jehova Dios kamachiptin Jacobqa ayllunkunata nirqa taytacha-mamachakunata wischunankupaq. Chaymantam Jacobqa chay taytachakunatawan chayman rikchakuq aretekunatapas pamparurqa (Ge 35:1-4). Jacobpa chay ruwasqanqa anchatachá Jehova Diosta kusichirqa.

Kay tiempopiqa, ¿imaynatam qawachinchik Jehova Diosllata yupaychasqanchikta? Chaytaqa qawachinchik layqakunapa ruwasqanta mana qawaspam, taytacha-mamachakunata mana yupaychaspam hinaspa chayman rikchakuq kaqkunata mana ruwaspam. Chaymantapas chayman rikchakuq wasinchikpi imapas kaptinqa wikapananchikmi. Kaytataqmi tapukuchwan: “¿Ñawinchachkanichu layqakunamanta rimaq qillqata? ¿Qawachkanichu qarqachamanta, animakunamanta utaq chayman rikchakuq videotapas? ¿Hinallaraqchu layqa ruwaqkunata hinaspa coca qawaqkunata yanapawananpaq maskachkani?”, nispa. Tukuy chaykunataqa Jehova Diosninchikqa chiqninmi, chaymi chaykunataqa mana ruwananchikchu (Sl 97:10).

“DIABLOPA CONTRANPI CHURAKUYCHIK” NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Ima sasachakuypim tarikurqa bibliamanta yachaq Rosa sutiyuq warmi?

• ¿Imanasqataq punta apaqkunapa yanapakuyninta maskananchik demoniokuna manchachiwaptinchik?

• Jehova Dios waqaychawananchikta munaspaqa, ¿imakunamantam karunchakunanchik?

• ¿Ima ruwananpaqmi Rosaqa tantiarurqa?

• Yachasqanchik lawpi, ¿imatam ruwachwan demoniokuna mana manchachiwananchikpaq?