¿IMANASQAM ANCHA ALLIN? Biblia estudiaqkuna Diospa yanapasqan kanankupaqqa payta servinankupaq tanteakuspankum bautizakunanku (1Pe 3:21). Chayna tanteakusqankuman hina kawsakuptinkuqa Diosmi pakaykunqa (Sl 91:1, 2). Diosta serviqkunaqa tanteakurqanchik Diosta servinapaqmi, manam llamkayllamanña qukurunapaqchu nitaq runakunapa munasqanta ruwanapaqchu. Chayraykum biblia estudiaqkunaqa Jehova Dios kuyayta yachananku (Ro 14:7, 8).

¿IMAYNATAM RUWACHWAN?

• Biblia estudiasqaykichikpi astawan Jehova Diosmanta yachachiy. Entiendechiy imanasqa sapa punchaw bibliata leey hinaspa Diosta mañakuy ancha allin kasqanta (1Ts 5:17; Stg 4:8).

• Kallpanchay Jehova Diosta servinanpaq tanteakuspa bautizakunanpaq. Yanapaytaq huñunakuykunapi rimarinanpaq, lliw riqsisqankunaman Diosmanta yachasqankunata willakunanpaq. Ichaqa yuyariy, Jehova Diosqa manam pitapas hikutanchu payta servinanpaqqa (Dt 30:19, 20).

• Kallpanchay Jehova Diospa munasqanman hinaña kawsakunanpaq, hinaspa bautizakunanpaqpas (Pr 27:11). Ñawpaq mana allin costumbrenkunata saqinanpaqqa hinallam yanapanayki musuq pachawan pachakuchkaq hina musuq runaña kananpaq (Ef 4:22-24). Qawachiwaqmi Willakuq qillqanchikpi “Bibliam imayna kawsasqanta cambiarqa”, niq yachachikuykunata.

• Willay Jehova Diosta servispayki kusisqa kasqaykimanta (Is 48:17, 18).