Septiembre killamantapacham, Huñunakuypi yanapawaqninchik qillqapi kanqa Diosmanta willakunapaq “Chiqap kaqta yachachisun” niq musuq yanapakuy. Yanapawasunmi bibliapa chiqap yachachikuyninta pisillapi yachachinanchikpaq. Chay musuq yanapakuypim kanqa bibliapa huk yachachikuynin, chaytam kutichinqa bibliapa huk textollanwan.

Sichum uyariwaqninchik yachayta munaptinqa, saqichwanmi mayqin qillqanchiktapas utaqmi videonchiktapas qawachichwan kaqmanta watukuspa chaymanta parlarinapaq. Kallpanchakusunyá iskay-kimsa punchawllamanta kutinapaq. Chay musuq yanapakuyqa hurqusqam kanqa ¿Imatapunim Bibliaqa yachachin? niq qillqapa yachachikuyninkunamanta. Sapa yachachikuypa tukupayninpim kachkan “Bibliapa yachachisqan” niq. Chay musuq yanapakuytam servichikusun huñunakuypi ñawpaqman lluqsispa ruwanapaq, servichikuchwantaqmi kaqmanta watukuspa hinaspa bibliata estudiachispapas.

Kawsayman apakuq ñanqa hukllam (Mt 7:13, 14). Parlasqanchik runakunaqa manam chaynallatachu Diospi iñinku, hinaspapas sapakama costumbreyuqmi kanku, chaymi bibliapa chiqap yachachikuyninkunataqa sumaqta willakunanchik (1Ti 2:4). Bibliapa yachachikuyninkunamanta astawan yachaspanchikqa hinaspa ‘Diospa chiqap palabranta’ yachachinapaq allinta servichikuspanchikqa, kusisqam kasunchik runakuna yachachisqanchikta entiendesqankurayku (2Ti 2:15).