Huchayuq runakuna kachkaptinchikpas Jesusqa ñuqanchikraykum wañurqa (Ro 5:8). Chaynatam Jesusqa ancha kuyawasqanchikta qawachiwarqanchik. Chaymi mana qunqananchikchu lliw iñiqmasinchikkunapaqwan Jesusqa wañusqanmanta. Kunanmi yachasunchik iñiqmasinchikkunata Jesus hina imayna kuyanamanta. Puntataqa, huk law llaqtayuq iñiqmasinchikkunawan amistadta ruwanapaqmi kallpanchakunanchik (Ro 15:7; 2Co 6:12, 13). Chaymantapas, kallpanchakunanchikmi imapas rimasqanchikwan utaq ruwasqanchikwan iñiqmasinchikkunata mana hukmanyachinanchikpaq (Ro 14:13-15). Hinaspapas, chayllam pampachaykunanchik hukmanyachiwaqninchikkunataqa (Lc 17:3, 4; 23:34). Sichum kallpanchakusunchik Jesus hina kanapaq hinaptinqa, Jehova Diosmi bendeciwasun iñiqmasinchikkunawan hawkalla hinaspa huk sunqulla kawsakunapaq.

KALLPANCHAKUY SUMAQ SUNQUYUQ KANAYKIPAQ, NIQ VIDEOTA QAWARUSPAYKI KAY TAPUKUYKUNATA KUTICHIY:

• ¿Imatam Harumiqa qallariyllanpiqa piensarqa iñiqmasinkunamanta?

• ¿Imamanta yachaynintaq yanaparqa iñiqmasinkunapa pantasqallankuta mana qawananpaq?

• ¿Imaynatam Harumita yanaparqa Jesuspa imayna kasqanpi yuyaymanayninqa? (Mr 14:38).

• ¿Imaynatam Proverbios 19:11 nisqan yanapawanchik iñiqmasinchikkunawan allinlla kanapaq?