¿Imanasqataq Jehova Diosta kuyaqkunallawan hukllawakunanchik? Amistadninchikkunaqa allinta utaq mana allinta ruwanapaqmi kallpanchawanchik, chaymi amistadninchikkunataqa sumaqta akllananchik (Pr 13:20). Kamachiq Joaspas Jehova Diospa ‘munayninman hinam allin kaqta ruwarqa’ sacerdote Joiadawan hukllawakuspanqa (2Cr 24:2). Sacerdote Joiada wañukuptinmi ichaqa, Joasqa Jehova Diosta qipancharurqa mana allin amistadkunawan hukllawakusqanrayku (2Cr 24:17-19).

Apostol Pablom lliw iñiqkunata ‘hatun wasiwan’ tupachirqa, sapa iñiqkunatañataqmi tupachirqa wasipi imapas kaqkunawan. ‘Allin kaqkunapi servichikunapaq vaso’ hinam kasunchik Diospa munayninta mana ruwaqkunawan mana hukllawakuspanchikqa, ayllunchikña utaq iñiqmasinchikña kaptinpas (2Ti 2:20, 21). Chaymi Jehova Diosta kuyaqkunallawan hukllawakunanchik.

MANA ALLIN AMISTADKUNATA QIPANCHAY NIQ VIDEOTA QAWARUSPAYKI KAY TAPUKUYKUNAMANTA RIMARIY:

• ¿Imakunata ruwaspataq mana musyakuspalla hukllawakuchkachwan mana allin amistadkunawan?

• ¿Imataq videopi kimsa iñiqmasinchikkunata yanaparqa mana allin amistadkunamanta karunchakunankupaq?

• ¿Bibliapa ima nisqankunataq yanapawachwan allin amistadkunata akllananchikpaq?