DIOSPAQ HINA KAWSANAPAQ
‘Diospa kuyakuyninpiyá takyasunchik’ niq qillqata servichikusun runakunapa sunqunman chayanapaq
¿IMANASQAM ANCHA ALLIN? Runamasinchikkunata Jehova Dios chaskinanpaqqa yachanankum paypa kamachikuyninkunata hinaspam ruwayman churananku (Is 2:3, 4). ‘Diospa kuyakuyninpiyá takyasunchik’ sutiyuq qillqanchikpi yachachikuykunam yanapanqa Diospa kamachikuyninkunata imaynata ruwayman churanankupaq (Heb 5:14). Yachachispanchikqa kallpanchakunanchikmi sunqunkuman chayananchikpaq, chaynapim sunqumanta Diosta kasukunqaku (Ro 6:17).
¿IMAYNATAM RUWACHWAN?
-
Puntataqa kikikiraq allinta estudiay. Yanapaqnin yachachikuymanta yachachiy. Tapuy yachasqaykichikmanta ima piensasqanta rimarinanpaq (Pr 20:5; be pag. 259).
-
‘Diospa kuyakuyninpiyá takyasunchik’ qillqapi kaq yuyaymananapaq yachachikuyninkunata servichikuy, chaynapi Diospa kamachikuyninkunata kasukuyqa allin kasqanta cuentata qukunanpaq.
-
Ima ruwanapaqpas biblia mana niptinqa, yanapay kikin allinta tanteakunanpaq, ichaqa ama qamqa paymantaqa tanteaychu (Ga 6:5).
-
Bibliamanta yachachisqayki runa bibliapa wakin yachachikuyninkunata mana ruwayman churaptinqa, sumaqllata rimapayay Diosta kuyasqanrayku kamachikuyninkunata kasukunanpaq (Pr 27:11; Jn 14:31).
