¿IMANASQAM ANCHA ALLIN? Kikin Jehova Diosmi paymanta yachay munaqkunataqa yanapan wiñay kawsayta haypanankupaq (Hch 13:48; 1Co 3:7). Chaymi yachasqankuta ruwayman churaqkunata astawan yanapaspanchikqa Jehova Diosta yanapachkanchik (1Co 9:26). Chay runamasinchikkunaqa yachanankum salvakuyta munaspankuqa bautizakunankumanta (1Pe 3:21). Bibliamanta yachachisqanchik runa Jesuspa qatiqnin kananpaqqa, yanapananchikmi mana allin ruwasqankuta saqinanpaq, willakuq hinaspa yachachiq lluqsinanpaq chaynataq bautizakunanpaqpas (Mt 28:19, 20).

¿IMAYNATAM RUWACHWAN?

• Yachachisqanchik runatam ninanchik: “Bibliamantaqa yachachkanchik Jehova Diosta riqsinaykipaq hinaspa paypa kuyasqan kanaykipaqmi”, nispa (Jn 17:3).

• Iñiyninpi ñawparinanpaqqa yanapananchikmi mana allin ruwasqankunata saqinanpaq hinaspa mana allin amistadkunawan manaña hukllawakunanpaq.

• Yachachisqanchik runa bautizasqaña kaptinpas hinallam yanapananchik (Hch 14:22).

JEHOVA DIOSMI YANAPASUNKI NIQ VIDEOTA QAWARUSPA KAY TAPUKUYKUNATA KUTICHIY:

• ¿Imata manchakuspantaq pipas bautizakuytaqa mana munanmanchu?

• ¿Imaynatam punta apaqkunaqa yanapanmanku biblia estudiaqkunata iñiyninkupi ñawparinankupaq?

• ¿Imatam Jehova Diosmanta yachachiwanchik Isaias 41:10 nisqanqa?

• Pantaq runa kaptinchikpas, ¿imayna kasqanchiktaq yanapawasunchik Jehova Diosta munasqanman hina servinapaq?