Carcelpi kaspankupas, Pablowan Silasqa taytanchik Jehova Diostam takikunawan hatuncharqaku (Hch 16:25). Chayqa yanaparqachá mana hukmanyarunankupaq. Kunanpas, huñunakuypi takisqanchik takikuna hinaspa JW Broadcasting nisqanpi takikunaqa kallpanchawachwanmi chaynataq yanapawachwanmi sasachakuypi kaptinchikpas Diosman sunqu kanapaq. Chayna sumaq takikunawanmi Jehova Diosta hatunchanchik (Sl 28:7). Diospa llaqtanqa kallpanchawarqanchikmi iskay-kimsa takikunata umallamanta takinanchikpaq. Chaytaqa ruwachwanmi ayllunchikwan Jehova Diosta yupaychasqanchikpipas.

JEHOVA DIOSPAQ TAKIQ WARMACHAKUNA, NIQ VIDEOTA QAWARUSPAYKI KAY TAPUKUYKUNATA KUTICHIY:

• ¿Imakunapim yanapawanchik Jehova Diospaq takipuyninchikqa?

• Manaraq warmachakuna takichkaptinkuqa, ¿imatam ruwanku takikunata grabaq iñiqmasinchikkunaqa?

• Warmachakuna takikunata manaraq grabaq richkaspankuqa, ¿imatam tayta-mamankuwan ruwanku?

• Jehova Diospaq takinchikkunamantaqa, ¿mayqantaq qampaqqa aswan sumaq? ¿Imanasqa?