¿IMANASQAM ANCHA ALLIN? Diosta serviqkunaqa munanchikmi lliw runakuna “kawsay qukuq yakuta” tomanankuta (Ap 22:17). Chay yakuqa tupan huchamantawan wañuymanta librawananchikpaq Diospa tukuy ima ruwasqanwanmi. Tukuy rikchaq costumbreyuq hinaspa religionniyuq runakunata Diosmanta yachachinapaqqa, kallpanchakunanchikmi yachay munasqankumanta rimanapaq (Ap 14:6).

¿IMAYNATAM RUWACHWAN?

• Willakusqanchik lawpi runakuna imamanta yachay munasqankuman hinam bibliapa mayqan yachachikuyninwanpas yachachina. Munaspaykiqa yachachiwaqmi “Runakunawan imaynata rimanapaq” niq yachachikuyman hina, utaqmi kikiki tantiawaq imamanta yachachiptiki runakuna allinta uyarisunaykipaq. Tapukuy: ¿Imamantataq yachasqay lawpi runakuna yachayta munanku? ¿Ima pasakusqanmantam rimachkanku?

• Willakusqanchik lawpi runakuna imayna kasqankuman hina yachachisun, chaynataq paykuna hina rimakuykusun (2Co 6:3, 4).

• Sumaqta riqsisun Diosmanta yachachinapaq qillqanchikkunata hinaspa videonchikkunata, chaynapi allinta servichikunapaq.

• Willakusqanchik lawpi runakuna iskay kimsa rimayniyuq kaptinqa, chay rimaykunapim qillqanchikkuna hinaspa videonchikkunapas kapuwananchik.

• Runakunapa ima yachay munasqankumantam yachachina (1Co 9:19-23). ¿Ima nichwantaq ayllun wañukusqanmanta wasiyuq willawaptinchik?

VIDEOTA QAWARUSPAYKI KAY TAPUKUYKUNAMANTA RIMARIY:

• ¿Imamantam iñiqmasinchikqa yachachiyta qallaykurqa?

• ¿Imamantam wasiyuqqa willakurqa?

• ¿Bibliapa mayqan yachachikuynintataq wasiyuqpaq ñawinchapurqa? ¿Imanasqataq allin karqa?

• ¿Imaynatataq qamqa willakunki runamasinchikkuna uyarisunaykipaq?