2018 watamantapacham, Diosmanta willakunapaq sapa lluqsimuq Willakuq qillqanchikkunaqa huk yachachikuyllamanta riman. Kay qillqanchik hinaspa huk qillqanchikkunapas yanapawanchikmi Diosmanta willakunapaq. Willakuq qillqanchiktaqa apachwanmi rantipakuq rispapas utaq maymanña illaspapas. Arí, kay qillqanchikqa runakunatam yanapan Diosmanta yachayta munanankupaq.

Pimanpas Diosmanta willakuspaqa puntatam bibliapa nisqanta ñawinchaykuchwan hinaspapas huk kaqnin Willakuq qillqanchikpa yachachikuyninmantam rimarichwan. Sichum parlapayasqanchik runa aylluyuq kasqanta qawachwan utaq imawanpas llakisqa kasqanta qawachwan hinaptinqa kaynatam nichwan: “Kapuwachkanmi rimasqanchikmanta sumaq qillqa, ¿munawaqchu ñawinchayta?”, nispa. “Arí”, niykuwaptinchikqa Willakuq qillqanchikta quykusun utaq celularninman apachinanchikmanta niykusun. Chaytaqa chayllaraq rimaspanchikpas niykuchwanmi. Arí, kay Willakuq qillqanchikqa Diosmanta yachay munaqkunata tarinanchikpaqmi yanapawanchik (Hch 13:48).