¿Imanasqataq kimsa punchaw hatun huñunakuyninchikkunaqa anchata kusichiwanchik? Chaypiqa Israel nacion hinam waranqantin iñiqmasinchikkunawan kuska Diosta hatunchanchik. Chaymantapas sumaq yachachikuykunatam yachanchik. Hinaspapas amistadninchikkunawan hinaspa ayllunchikkunawan tupasqanchikmi kusichiwanchik. Chaykunaraykum kimsa punchaw hatun huñunakuyninchikmanqa rinchik.

Hinaspapas chay huñunakuymanqa rinchik yachachikuykunata uyarinanchikpaq hinaspa iñiqmasinchikkunata kuyasqanchikta qawachinanchikpaqmi (Ga 6:10; Heb 10:24, 25). ¿Imaynatam iñiqmasinchikkunata kuyasqanchikta qawachichwan? Kuyasqanchiktaqa qawachinchik ñuqallanchikpaq achka tiyanakunata mana sapaqchaspanchikmi chaynataq imapipas yanapaykuspam (Flp 2:3, 4). Hatun huñunakuyninchikpiqa musuq amistadkunatam armachwan. Chaypaqqa mana riqsisqanchik iñiqmasinchikkunawanmi parlarichwan manaraq huñunakuy qallarichkaptin, huñunakuy tukuyta utaq chawpi punchawta (2Co 6:13). Kuyanakusqanchikta qawaspankuqa runakunapas Jehova Dios serviytam munanqaku (Jn 13:35).

“WIÑAYPAQYÁ KUYANAKUSUN” HUK LAW NACIONNIYUQKUNAWAN HATUN HUÑUNAKUY NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imatam iñiqmasinchikkunaqa ruwarqaku huk law nacionmanta riq iñiqmasinchikkunata chaskiykunankupaq?

• ¿Imanasqataq huñulla hinaspa kuyakuq kasqanchikwan runakunaqa admirakunku?

• ¿Imatam Diospa llaqtanpi punta apaqkunaqa nirqaku kuyanakuymanta?

• ¿Imaynatam Alemania nacionpi hinaspa Corea del Sur nacionpi iñiqmasinchikkunapa kuyanakusqankuqa sutilla karqa?

• ¿Imapaqmi hinalla kallpanchakunanchik?