¿Imawantaq qamqa sapa punchaw sasachakunki? ¿Churikikunaraykuchu sapa punchaw llamkanayki? ¿Warmisapa kasqaykiraykuchu sasachakunki? ¿Ichapas estudiaqmasikikuna waqachisunki? ¿Ichapas imawanpas unqusqaykirayku utaq yuyaqña kasqaykiwan sasachakunki? Llapallanchikmi imawanpas sasachakunchik, ichaqa wakin iñiqmasinchikkunapam sasachakuyninkunaqa astawan kan. Chaykunawan sasachakuspanchikpas hamuq tiempopiqa manañam sasachakusunchu, chayqa anchatam kusichiwanchik (2Co 4:16-18).

Taytanchik Jehova Diosqa yachanmi tukuy imawan ñakarisqanchikta, payqa kusikunmi kasukunapaq kallpanchakusqanchikwan. Chaymi hamuq tiempopi hawka kawsakunanchikmanta niwanchik (Jer 29:11, 12). Jesuspas ñuqanchikmantam nanachikun, payqa niwanchikmi yachachikuyninkunata kasukuptinchikqa ñuqanchikwan kananmanta (Mt 28:20). Hamuq tiempopi hawkaña kawsakunanchikpi yuyaymanaptinchikqa kallpanchikmi kanqa sasachakuykunata aguantanapaq (Ro 8:19-21).

LLUMPAY SASACHAKUY HICHPAMUSQANRAYKUYÁ, JESUCRISTOTA HINALLA QATIPAKUNAPAQ KALLPANCHAKUSUN NIQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imanasqataq mana Diospa munasqan allpapichu kawsakunchik? ¿Imatam chayrayku kunan qawachkanchik?

• ¿Imaynañam kawsakunqaku Diosllapaq sunquyuq kaqkunaqa?

• ¿Imanasqataq hamuq tiempopiqa hawkaña kawsakusunchik?

• ¿Dios ima ruwanantataq astawan munachkanki?