Samuelqa wañukunankamam Jehova Diosta servirqa. Warmacha kachkaspanpas manam Eliypa churinkuna hina kaytaqa munarqachu, paykunaqa mana allin ruwaqllañam karqaku (1Sa 2:22-26). Jehova Diosmi Samueltaqa taksachanmantapacha hinalla yanaparqa (1Sa 3:19). Chaymi yuyaqyaruspanpas hinalla Jehova Diosta servirqa churinkuna Diosta qipancharuptinkupas (1Sa 8:1-5).

¿Imatataq yachachwan Samuelmanta? Jehova Diosqa sumaqtam yachan musu-sipaskuna imawan sasachakusqankuta hinaspa imayna tarikusqankuta. Musu-sipaskunaqa chaymantaqa manam haykapipas iskayrayanankuchu, Diosmi kallpata qunqa aguantanankupaq (Is 41:10, 13). Wakin tayta-mamakunapa churinkunam Jehova Diosmanta karunchakurunku, chaywanqa manamá hukmanyanankuchu. Yuyarinankum Samuelta, paypa churinkunapas manamá Diostaqa munasqanman hinachu servirqaku. Chayna kaptinpas Samuelqa hinallam Diosman sunqu karqa. Tayta-mamakuna Diosman sunqu kaptinkuqa chaynataq kawsakuyninkupipas allin kaptinkuqa wawa-churinkunaqa kaqmantam Diospa llaqtanman kutimunqaku.

DIOSMAN SUNQU SAMUELMANTA YACHASUN NIQ VIDEOTA QAWARUSPA, KAY TAPUKUYKUNAMANTA RIMARIY:

• Warmachallaraq kachkaspanpas ¿imaynatam Samuelqa mana manchakuspan rimarqa?

• ¿Imaynatam Dani mana manchakuspan rimarqa?

• ¿Yuyaqña kaspanpas imaynam Samuel karqa Dios servisqanpi?

• ¿Tayta-maman imayna kasqantaq Danita yanaparqa Diosman sunqu kananpaq?