Tukupay tiempopi kasqanchikraykum llapallanchik sasachakuypi tarikunchik. Wakin sasachakuykunaqa mana aguantanapaq hinam rikchakapuwanchik. Taytanchik Jehova Diospa yanapakuyninta maskaspanchikqa imaña-haykaña kaptinpas aguantasunchikmi (Is 43:2, 4). Ima sasachakuypipas tarikuptinchikqa ¿imataq yanapawasun Jehova Diosman astawan asuykunanchikpaq?

Diosta mañakuyninchik. Payta mañakuspa sunqunchikta kichariptinchikqa Jehova Diosqa hawkayaytam quwasun. Quwasunchiktaqmi kallpata ima sasachakuytapas aguantanapaq (Flp 4:6, 7; 1Te 5:17).

Huñunakuyninchik. Kunan tiempom astawan necesitanchik Jehova Diospa yachachikuyninta hinaspa huñunakuyninchikkunapi iñiqmasinchikkuna kallpanchaykuwananchikta (Heb 10:24, 25). Huñunakuyninchikpaq allinta preparakuspanchik hinaspa chaypi rimarispanchikqa Jehova Diospa chuya espiritunpa yanapakuynintam chaskinchik (Ap 2:29).

Diosmanta willakuyninchik. Jehova Diosmanta hinalla willakunapaq kallpanchakuspaqa manam hukmanyasunchu ima sasachakuywanpas. Chaymantapas, iñiqmasinchikkunawan kuska willakuspanchikqa Jehova Diosmanmi astawan asuykusun. Iñiqmasinchikkunawanpas allin amistadmi kasun (1Co 3:5-10).

JEHOVA DIOSNINCHIKQA SASACHAKUYPI TARIKUPTIYPAS MANAM SAQIWARQACHU SUTIYUQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imakunataq yanaparqa Malu sutiyuq iñiqmasinchikta Jehova Diospi hapipakunanpaq?

  textarea-1

• Malu sutiyuq iñiqmasinchikta hina, ¿imaynatataq consuelawanchik Salmos 34:18 nisqan?

  textarea-2

• Jehova Diosqa Malu sutiyuq iñiqmasinchiktam “runakunapa mana haypay atisqan hatu-hatun atiyninwan” yanapaykurqa. Chayqa, ¿imatam ñuqanchiktapas yachachiwanchik sasachakuypi tarikuptinchik? (2Co 4:7).

  textarea-3