Diospa palabranqa allinta kawsakunapaqmi yanapawanchik (Heb 4:12). Ichaqa sichum iskayrayasun biblia Diospa palabran kasqanmanta hinaptinqa manam yanapawasunchu kamachikuyninkunapas nitaq consejonkunapas (1Te 2:13). ¿Imatam ruwachwan bibliapa nisqankunamanta mana iskayrayanapaq?

Sapa punchawmi bibliata leenanchik. Bibliata leespaykiqa kikin Jehova Dios qillqachisqanmanta mana iskayrayanaykipaqmi kallpanchakunayki. Sichum proverbios librota leenki hinaspaqa cuentatam qukunki consejonkuna kunan tiempopas ñawpaqta hina yanapakusqanmanta (Pr 13:20; 14:30).

Allinta estudianapaqmi kallpanchakunanchik. Bibliata ­kikin Jehova Dios qillqachisqanmanta mana iskayrayanapaqmi nisqankunamanta allinta yachaykunanchik. Chaypaqqa Guía de estudio para los testigos de Jehová sutiyuq qillqapi maskaykusun hinaspa yaykusun “La Biblia” niqman, chaymantañataq, “Inspirada por Dios” niqman. Chaymantapas Musuq allpa pachapi kawsakunapaq bibliapa A3 yachachikuyninkunatam estudiananchik, bibliapa nisqankuna mana cambiasqa kasqanmanta yachanapaq.

IMANASQATAQ IÑINCHIK DIOSPA PALABRANPI SUTIYUQ VIDEOTA QAWARUSPA, KAY TAPUKUYKUNAMANTA RIMARIY:

• ¿Egipto nacionpi ima tarisqankum qawachin bibliapa nisqankuna chiqap kasqanta?

  textarea-1

• ¿Imanasqataq nichwan bibliapa nisqankunaqa mana cambiasqa kasqanta?

  textarea-2

• ¿Imatam yachachiwanchik kunan tiempokama bibliapa mana chinkasqan? (Leey Isaias 40:8).

  textarea-3