Jehova Diospa testigonkunapaqqa ancha allinmi Jesuspa wañukusqan punchawta yuyariyqa. Chaypaqqa semanakuna ñawpaqtaraqmi hinaspa chay punchaw pasaruptinmi tiempochakunchik runakunaman willakunanchikpaq. Chaymantapas Jehova Diostam anchata agradecekunchik churin ñuqanchikrayku wañukusqanmanta (Ef 1:3, 7). Arí, kallpanchakunchikmi runakunata chay punchaw huñunakuyninchikman hamunankupaq invitaypi. Wakin iñiqmasinchikkunaqa kallpanchakunkum marzo hinaspa abril killapi 30 utaq 50 horata willakunankupaq. ¿Munawaqchu Jesuspa wañukusqanta yuyarinapaq killapi astawan willakuyta? ¿Chaypaqqa imatataq ruwawaq?

Kallpanchakunanchikmi imatapas tiempowan tantiananchikpaq (Pr 21:5). Jesuspa wañukusqanta yuyarinapaq punchawqa kayllapiñam kachkan. Chaymi kunanmanta kallpanchakunanchik imatapas tantiananchikpaq. Yuyaymanawaqmi imakunapi kallpanchakunaykipaq chaynataq haypanaykipaq imakunata ruwanaykipipas. Chaymantapas, Jehova Diostam mañakunayki tantiasqaykikunapi yanapasunaykipaq (1Jn 5:14, 15).

¿Piensarqankiñachu chay killakunapi imaynata willakunaykipaq?