Jesusmi qatiqninkunata nirqa: “Mana imallapaqmi chaskirqankichik, mana imallapaqtaqyá quychikpas”, nispa (Mt 10:8). Ñuqanchikpas, Jesusta kasukusqanchikraykum bibliamanta hinaspa qillqanchikkunamantaqa pimantapas qullqitaqa mañanchikchu (2Co 2:17). Qillqanchikkunapiqa tarikun Diosmanta sumaq yachachikuykunam. Chaymantapas, qillqa ruway hinaspa sapa llaqtaman qillqakunata apachiyqa achka qullqipaqmi, hinaspapas sasam. Chayraykum Diosmanta willakunapaqqa necesitasqallanchikta apana.

Chaynaqa, allinta tantearispam pi runamanpas qillqanchikkunataqa qunanchik, achka runakunapa kasqanpi willakuspapas qillqanchikkunataqa lliwmanqa manam aypukurunachu (Mt 7:6). Aypurunamantaqa, runakunawan pisi tiempollapas rimananchikpaq kallpanchakusun, chayta ruwaspam yachasun yachay munasqankuta utaq manapas. Chaypaqmi yanapawasun kay waqtachanpi tapukuykuna. Sichum musyanki rimapayasqayki runa qillqa munachisqaykita mana ñawinchananta hinaspaqa, uchuy qillqallanchikta quykuy. Pipas qillqanchikkunata mañakuwaptinchikmi ichaqa quykunanchik (Pr 3:27, 28).