DIOSPAQ HINA KAWSANAPAQ
Tayta-mamaykita respetay
Kay pachapi kachkaspanmi Jesusqa Israel runakunata kaynata yuyarichirqa: “Diosmi nirqa: ‘Tayta-mamaykita respetay’”, nispa (Ex 20:12; Mt 15:4). Chaynataqa nirqa tayta-mamanta taksachanmanta kasukusqanraykum (Lc 2:51). Chaymi wañukunanpaqña kachkaspanpas mamantaqa mana qunqarqachu (Jn 19:26, 27).
Kunanpas, Diosta serviq mozo-sipaskunaqa tayta-mamanku respetasqankutam qawachinku kasukuspanku hinaspa sumaqllata rimapayaspanku. Tayta-mamanchiktaqa wañukunan punchawkamam respetananchik. Yuyaqña kaptinkupas uyariykunanchikmi rimapayawasqanchiktaqa, chaywanmi qawachinchik respetasqanchikta (Pr 23:22). Tayta-mamanchik respetasqanchiktaqa qawachichwantaqmi imapas pisipusqanta quykuspa utaq kusisqa kanankupaq imata ruwaspapas (1Ti 5:8). Mozollaraq utaq yuyayniyuqña kaspapas tayta-mamanchikwanqa sapa kutim rimana, chayta ruwaptinchikqa kusisqam tarikunku.
¿IMAYNATAM TAYTA-MAMAYKIWAN RIMAWAQ? NIQ VIDEOTA QAWARUSPAYKI KAY TAPUKUYKUNATA KUTICHIY:
-
¿Imanasqataq tayta-mamaykiqa wakinpiqa mana uyariykusunkimanchu?
-
¿Imaynatam tayta-mamaykiwan rimaspaykiqa respetasqaykita qawachiwaq?
-
¿Imanasqataq ancha allin tayta-mamaykiwan rimanaykipaq kallpanchakuynikiqa? (Pr 15:22).