Jesusmi trigomantawan mana allin quramanta rikchanachiyta qatiqninkunaman willarqa, hanaq pachapaq akllasqa kaqkuna imaynata hinaspa haykapi akllasqa kanankumanta yachanankupaq.

13:24

‘Huk runam chakranpi allin muhuta tarpururqa’.

• Tarpuqqa: Jesucristom.

• Allin muhuqa: Chuya espirituwan akllasqa Jesuspa qatiqninkunam.

• Chakraqa: Kay pachapi runakunam.

13:25

‘Runakuna puñunankamam paypa enemigon hamuruspan trigo tarpusqanpi mana allin qurata tarpurapurqa’.

• Enemigoqa: Diablom.

• Puñuq runakunaqa tupan lliw apostolkunapa wañukusqanwanmi.

13:30

“Hinayá iskayninku cosechakama wiñachunku”.

• Trigoqa: Hanaq pachapaq akllasqakunam.

• Mana allin quraqa: Jesusta qatiq tukuq runakunam.

“Puntataqa mana allin qurataraqyá huñuramuychik [...] hinaspañayá trigotaqa”.

• Rutuqkunaqa: Angelkunam.

• Mana allin qurata huñusqankuqa tupan Jesusta qatiq tukuq runakunata Jesuspa chiqap qatiqninkunamanta rakisqankuwanmi.

• Trigota taqiman huñusqankuqa tupan hanaq pachapaq akllasqakunata chuyanchasqa Diospa llaqtanman huñusqankuwanmi.

Cosecha tiempo chayaramuptinqa, ¿imaynatam runakunaqa yacharqaku pikuna Jesuspa chiqap qatiqninkuna kasqanta?

Tapukuy: ¿Ima ruwanaypaqtaq kay willakuymanta yachasqayqa kallpancharuwan?