Sumaq waytachakunata, tutapi lucerokunata, hatun paqchakunata hinaspa tukuy ima qawasqanchikmi sutillata musyachiwanchik Dios imayna kasqanta (Ro 1:20). Arí, qawasqanchikkunapi yuyaymanaspaqa musyanchikmi Jehova Diosqa atiyniyuq, kuyakuqllaña, yachayniyuq hinaspa qukuykuqllaña kasqanta (Sl 104:24).

Jehova Diospa unanchasqankunatam sapa punchaw qawanchik. Hatun llaqtapi yachaspapas urpichakunata hinaspa sachakunatam qawanchik. Chaykunata qawasqanchikmi yanapawanchik hawkalla hinaspa kusisqa kanapaq, yanapawanchiktaqmi ima sasachakuywanpas mana llumpayta hukmanyarunapaq hinaspa Jehova Dios sapakamata qawawasqanchikmanta mana iskayrayanapaq (Mt 6:25-32). Tayta-mama kaspaykichikqa warmaykichikta yanapaychik Jehova Diospa unanchasqankunapi yuyaymananankupaq. Diospa unanchasqankunapi yuyaymanaspaqa paymanmi astawan asuykusun (Sl 8:3, 4).

UNANCHASQA KAQKUNAM DIOSTA HATUNCHAN: ACHKIMANTA HINASPA COLORKUNAMANTA NIQ VIDEOTA QAWARUSPA QATIQNIN TAPUKUYKUNATA KUTICHIY:

• ¿Imanasqataq tukuy rikuq colorkunata qawayta atinchik?

• ¿Imanasqataq wakin colorkunaqa llumpayta llipityan?

• ¿Imanasqataq wakinpiqa cielotaqa qawanchik pukataraq, qillutaraq, azultaraq hinaspa huk rikchaq colortaraq?

• ¿Ima sumaq colorkunatam yachasqayki lawpi rikurqanki?

• ¿Imanasqataq Diospa unanchasqankunapi yuyaymanananchik?