ALLIN YACHACHIQ KANAPAQ | ATICHWANMI DIOSMANTA KUSISQA WILLAKUYTAQA
Sunqunmanyá chayasun
Pitapas sunqumanta kuyaspaqa mana sasachakuspallam kasukunchik (Pr 3:1). Chaymi bibliamanta yachachispaqa kallpanchakunanchik sunqunkuman chayanapaq. ¿Imaynatataq chayta ruwachwan?
Bibliamanta yachachispaqa manam yachachiyllachu yachachinanchik, aswanqa kallpanchakunanchikmi imaynata ruwayman churanankupaq yachachiypi. Ninanchikmi kasukuptinkuqa Jehova Dios astawan kuyananmanta. Biblia estudiaqkunatam yachachinanchik Diospa kamachikuyninkunaqa kuyakuq, llakipayakuq hinaspa allin ruwaq Dios kasqanta qawachisqanta. Kuyakuyllawanmi yachasqankunapi yuyaymanananpaq tapukuykunata ruwananchik. Yuyaymanachinanchiktaqmi Diospa chiqnisqan kaqkunata manaña ruwaspanqa imaynaña kawsakunanpi. Yachachisqanchik runa Jehova Diosta sunqumanta kuyaptinqa kusisqam tarikusunchik.
KUSIKUSUNYÁ RUNAMASINCHIKKUNAMAN DIOSMANTA YACHACHISPANCHIK. ALLIN YACHACHIQ KANAPAQ: SUNQUNMANYÁ CHAYASUN NIQ VIDEOTA QAWARUSPA, KAY TAPUKUYKUNAMANTA RIMARIY:
-
¿Imanasqataq Ritaqa Mariata tapurqa sichu pasaq rimasqankupi yuyaymanasqanta?
-
¿Ima nispantaq Ritaqa Mariata yuyaymanachirqa Jehova Diosqa kuyasqanrayku imatapas ruwananpaq nisqanta?
-
Diosmanta yachachisqanchik runakunapa sunqunman chayaptinchikqa Jehova Dios serviytam munanqaku.
¿Imaynatam Ritaqa Mariata kallpancharqa Jehova Diosta kasukunanpaq?
